施念慈日前被發現與男友趙啟昕（Alex ）雙雙出現機場，期間有講有笑，狀甚甜蜜，繼而直落到附近書店買書，預備上機睇書打發時間。
拍拖數月的兩人依舊非常癡纏，睇書期間情不自禁地愈黐愈埋，溫馨地買完書後，兩人步出書店隨即發現記者，並大方地打招呼，問到是否飛往外地見家長，施念慈笑說：「我哋去旅行，都會順便探佢屋企人。」
至於一身鬆身衫，顯得腰圓圓，是否好事近兼雙喜臨門？施念慈說：「梗係唔係啦！唔好嚇到我以後唔敢著鬆身衫，我諗住上機舒服啲咋！」兩人透露會到歐洲旅遊兩星期。
施念慈與男友Alex 拍拖以來一直恩愛不減。
