傅穎（Theresa ）舉行別開生面的迷你音樂會，穿上薄紗睡裙、浴袍賣大包會歌迷，夠晒香艷，嘉賓小肥竟戴上「地中海」頭套扮Paco ，連老闆都敢玩，認真斗膽。
Theresa 昨日在中環蘭桂坊舉行首個音樂會，逾百歌迷捧場，Theresa 穿上睡裙、浴袍襯毛毛拖鞋出現，引起全場嘩然，連扮作「安信兄弟」的司儀森美及Leo 都著住睡衣赤腳上陣，Theresa 笑說：「我想個音樂會特別啲，將舞台布置得有屋企feel ，所以咪著睡衣，件浴袍平日真係屋企著開，我將歌迷送畀我嘅鴨仔坐椅都搬埋嚟。」
忍唔住笑唱甩嘴
音樂會開始，即有男歌迷高喊Theresa 做女神，當Theresa 著住浴袍坐上鴨仔椅時，意態撩人，讓人想入非非，她笑說：「我有打底，放心。」她笑言家中睡衣有很多款式，但浴袍內必穿衣服，她笑說：「唔著好奇怪
。」
Theresa 昨日邀請小肥做嘉賓，鬼馬的小肥戴著一個地中海頭套扮Paco （黃
高）出現，搞到Theresa 忍不住笑，唱到甩嘴，最抵死唱罷後小肥將頭套放上鴨椅說：「叫Paco 扮住鴨。」森美即笑說：「你死啦，叫Paco 做鴨。」令人捧腹大笑。
自嘲愛情一舊雲
Theresa 又在頭上戴白雲飾物，她笑言配合新碟愛情的主題，她說：「我喺愛情係一舊雲，永遠唔理智。」她又感謝曾經喜歡的外籍好友，給她靈感做這張新碟，她說：「佢唔使回報畀我，（感情都唔渴求回報？）以前拍拖就認定對方係老公，但依家唔想有太多期望，最緊要係開心。」
文：音樂組
Theresa 穿浴袍開騷，夠晒香艷。
主持森美（左）及Leo 扮「安信兄弟」，大放笑彈。
小肥戴上地中海頭套扮Paco ，引得Theresa 笑不攏嘴。
