張學友與林海峰都絕少帶著妻女出現公開場合，昨天他們兩家人齊齊欣賞溜冰表演。學友妻子羅美薇對鏡頭十分避忌，學友謂他們想女兒過正常生活，不想女兒們覺得自己特別過人。林海峰則表示女兒們很愛做公主，他會帶女兒到圖書館做功課當作親子活動。
張學友昨天帶著太太羅美薇、兩女兒瑤華及瑤菁到亞洲博覽館欣賞《迪士尼世界：公主的夢想》，同場還有林海峰與太太彭羚及女兒林泳、林菁，而楊婉儀一家四口、李嘉慧與女兒、文雋與女兒都有捧場。不過當學友見記者在場時，他即將身子傾前欲遮擋太太羅美薇，免她被攝，而羅美薇也故意用手遮面，表演期間，學友兩女兒張瑤菁及張瑤華看得興高采烈，羅美薇則不時與身旁的外籍家長朋友聊天。
張學友昨日帶同妻女去看溜冰表演，二人與女兒們分隔兩行而坐。
林海峰與彭羚昨也帶兩位千金去看溜冰，當作是家庭樂。
遲入場一樣走唔甩
其後學友接受訪問表示曾一家四口同去看戲，但今次是首次一家人去看表演，他說：「我大女麻麻哋鍾意扮公主咋，細女OK 鍾意啦，佢哋好熟啲卡通人物，所以睇得好開心，我平時都會講故事佢哋聽㗎嘛。」問到是否羅美薇不高興見記者，學友說：「有啲唔慣，冇諗過今日有記者，點知遲啲入場都走唔甩，咁佢又唔會投訴，只係有其他家長，怕搞到唔好意思啫。」問學友太太與女兒出街，為免成焦點是否都不預他份？學說：「一時時，而家好奇嘅人都唔多，我哋只係想囡囡過正常生活，唔好覺得自己好特別啫。」學友透露他最愛看的卡通片是《五星級大鼠》（Ratatouille ），他說：「我睇過十幾廿次，教人唔可以以貌取人，好有教育意義。」
李嘉慧的女兒一見鏡頭即哭喊著不想影相。
楊婉儀一家四口看表演，她還為女兒打扮得像公主一樣。
林海峰圖書館親子
對於財經事務及庫務局局長陳家強在雷曼爆煲後才知有迷你債券，身為雷曼苦主的學友說：「我冇怪佢哋，買係我自己嘅選擇，我又冇大聯盟咁大影響，政府同投資者都係經一事長一智啦，其實政府都已盡量監管，冇一個制度係完善㗎，有事發生先知漏洞，美國經濟金融咁發達都一樣出問題，今次有質詢已經係好事，希望大家都進步啦。」林海峰帶著太太彭羚及女兒林泳、林菁到場，但女兒沒有以公主打扮出現，阿Jan 說：「佢哋日日都當自己係公主，我冇叫佢哋唔好著公主衫，可能佢哋怕撞衫呱。」問到其女兒有否與他分享夢想，阿Jan 笑說：「呢個作文題目，今日志雲飯局咩？女仔都想做公主，男仔都係揸槍做白馬王子㗎啦。」他又謂會帶女兒到圖書館做功課，睡前也會聊天。採訪、攝影：藍文浩
羅美薇對鏡頭十分迴避，學友謂她只是不習慣而已。
http://appledaily.atnext. ... art_id=12272873
