之前網上瘋傳一條標題名為「張家輝哥哥是張學友」，家輝在內地節目《新聞當事人》曾聲稱學友是他的哥哥，訪問一出，有不少人信以為真。
兩兄弟圍攻志偉
張學友和張家輝昨日首度同場現身中環舉行的「高錕慈善基金成立4週年慶典暨《高錕自傳》發佈會」，一眾嘉賓包括曾志偉、陳慧琳（Kelly）和胡楓等，還與八十高齡的主人家諾貝爾物理學獎得主高錕教授及其夫人高黃美芸女士切蛋糕。其間嘉賓上台呼籲關注腦退化症，家輝和學友兩兄弟圍攻志偉，學友說：「佢感同身受啲啦！」家輝接棒說：「最緊要志偉先去做檢查，佢成日講完啲嘢唔算數。」志偉最後投降說：「係呀！我今日都唔記得帶錢嚟呀！」
突然志偉將大會司儀Laura擺上枱：「我由開始就睇住你，我覺得TVB應該有你，因為TVB炒咗好多人，你中英文都咁好，TVB好多人都唔識英文。」被無辜擺上枱的司儀尷尬說：「唔係，好多人都好叻嘅……」志偉續說：「係呀！個個去曬英文台呀嘛！」
一班嘉賓為高錕教授預祝八十大壽。
儀式結束，張學友和張家輝被記者包圍，有記者問他們有沒有滴血認親，家輝尷尬說：「我哋成日見面，有時我哋又會通嚇電話，亂噏嚇㗎！」
學友笑著說：「嗰個係我哋心中嘅疑問，以前啲長輩好少同我哋啲後輩分享經驗，係咪先？所以好多經驗都唔會咁傾，𠵱家唔同喇！社會唔同，好open，我細個嗰時見到有個人咁似我，我都會懷疑㗎！」之後學友再笑說自己是家輝大佬，他說：「我大佢少少，所以我話佢似我囉！後來我哋認識咗之後，研究嚇我哋族譜，可能好多百年前，我哋先有關係嘅，咁𠵱家咁多代，咁樣都撞番，佢講話異父異母親兄弟，我冇反對嘅！係咁囉！有個交代畀大家。維持呢個關係相當OK！」
陳慧琳（中）及曾志偉（右）接受高錕太太高黃美芸女士致送《高錕自傳》。
Kelly：我都唔想造人
此外，Kelly老公Alex被拍到醉酒洋相，有報導指Alex為了不想造人而避開Kelly，所以經常外出夜蒲，Kelly說：「我都唔想造人喇！已經好忙喇！仲造咁多人嚟做乜啫！」至於其弟陳司翰另結新歡，Kelly說：「唔知，我冇問，佢唔鍾意人問，我唔敢問佢呢啲嘢，呢個新嘅我唔清楚。」
採訪：黃曉妍
攝影：陳順禎
From:
http://hk.apple.nextmedia ... 140920/18872049
