張學友世巡10月北京開鑼

1^# 大中小 young 發表於 2016-5-22 22:00 發短消息

相關主題: 張學友

張學友昨日在北京宣佈個唱的日程，他對仍能開騷高興。

歌神張學友昨到北京出席「2016 A Classic Tour學友．經典世界巡迴演唱會」記者會，官仔骨骨的他親自宣佈世界巡唱將於10月21日假北京站啟航，香港站則訂於12月聖誕跨年黃金檔期舉行，學友說：「唱歌同表演都係我最喜歡，亦都係最愛做嘅，呢個年紀（54歲）仲可以做呢件事，我好高興，好榮幸大家畀我厚愛同支持，相信我會盡力，唔會令大家失望！」

學友又表示唱歌是他的呼吸和生活，對於演唱會為甚麼命名「經典」？他坦言：「經典對我嚟講，有太多嘅壓力，可能是大家諗唔出乜嘢詞，平衡大家對演出嘅新鮮感好難，我哋諗咗好長時間，最後決定用呢個名。」

撰文：皓騫
from:http://hk.apple.nextmedia ... 160519/19617625

廷伸閱讀/相關主題推介:

相關主題:張學友

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-9-14 22:34 發短消息

學友隱蔽試衫唔露面

張學友年底喺香港舉行個唱，近日展開連串準備工夫，噚日下午4點左右，學友身穿T恤牛仔褲戴口罩，同一男性友人喺中環置地廣場Alexander McQueen出現，女職員即上前服務學友，佢自動波行入店內隱蔽試身室，職員送上唔同款式西裝畀學友試身，成個過程都冇喺舖面露面。試身45分鐘後，學友終於揀啱心水，搞掂後即同男友人離開，學友自行到商場外坐七人車走。

撰文：馮仁昭
from:http://hk.apple.nextmedia ... 160907/19762629

TOP

3^# 大中小 young 發表於 2016-9-17 09:38 發短消息

學友開騷妻女懶理

張學友花百萬搭建紅館模型開記者會。

張學友將於12月4日開始假紅館舉行二十場「A Classic Tour學友˙經典世界巡迴演唱會」，昨日公開發售一票難求，最新消息黃牛飛由980元炒至5,180元一張，叫價相當驚人。昨日學友在尖沙嘴洲際酒店搞百萬記者會，宣佈舉行演唱會事宜。

今次學友會開四面台，每做三場休息一日，他說：「想再做一次四面台，非常講求體力，我都係博一鋪，想留畀自己一啲經典感覺。」學友兩個月前開始排舞，每日在家中不停練歌：「喺屋企應該將演唱會唱咗有一百次。」太太羅美薇和女兒有何反應？「佢都冇乜理。」囡囡看一眼更走開：「我冇理，照樣繼續跳，我意志力好堅強，只要有一個人睇我都繼續跳。」

採訪：馬建華
攝影：葉君海
from:http://hk.apple.nextmedia ... 160914/19769818

TOP

4^# 大中小 young 發表於 2016-9-21 17:23 發短消息

學友騷僅五分一飛公售

張學友將於12月喺紅館開騷，門票於今日公開發售，20年冇做四面台嘅學友，今次竟然只得五分一門票公售，被網友指為絕望座位表，而且仲要每人只限賣四張，網友貼咗沙田大會堂售票站相，原來噚日下晝5點幾已有人瞓街排通宵，網友怨聲載道：「咁樣不如開兩場，全部公開發售，其他唔公開演出仲好」、「的確離譜，剩番咁少位，平民百姓想聽場有質素的演唱會真係好不容易！」

撰文：馮仁昭
from:http://hk.apple.nextmedia ... 160920/19775491

TOP

5^# 大中小 young 發表於 2016-9-22 04:49 發短消息

學友個唱開賣遇大雨狼狽

張學友將於12月舉行20場演唱會，昨日公開售票掀撲飛潮。資料圖片
張學友將於12月假紅館舉行20場演唱會，之前信用卡優先訂飛已經一票難求，昨日門票公開發售，前晚紅館售票處已有多人鋪紙皮瞓街。到了昨早，雖然落大雨，但尖沙嘴通利琴行售票處門外亦排滿長長人龍，高峯期有逾百人打傘排隊。

在尖沙嘴通利琴行外排前20位都是外籍傭工及南亞裔人士，排頭位的兩名外傭拿到籌後，立即把籌遞給另兩位疑似黃牛黨的口罩男。有OL表示想買飛送給姨媽，排隊期間想用手機預購卻失敗，令她很緊張。此外，有姓李男學生買樂隊Supper Moment騷，因學友同日開賣令他要排3小時。至昨午3時許，最平的380元門票全部沽清，部份場次的最貴980元門票則只餘單丁位。

採訪：王連連
攝影：仇志德

昨早雖然下雨，但尖沙嘴通利琴行依然出現購票人龍（右圖）。

from:http://hk.apple.nextmedia ... 160921/19776569

TOP

6^# 大中小 young 發表於 2016-10-23 16:51 發短消息

學友期待小巨蛋巡唱

張學友除12月喺紅館舉行二十場個唱，明年2月更巡唱到台北，喺小巨蛋舉行四場騷，今次係學友相隔五年再喺台北開騷，仲係首次喺小巨蛋做四面台，學友話：「自己都好期待今次演出，希望我嘅經典能擊中你嘅經典。」至於香港騷門票售罄，綵排時工作人員都恭喜佢，學友話：「我就冇辦法慶祝，必須等到演出完咗至得。」

撰文：馮仁昭
from:http://hk.apple.nextmedia ... 160930/19785922

TOP

7^# 大中小 young 發表於 2016-10-23 21:53 發短消息

張學友個唱加開三場

資料圖片

張學友將於12月喺紅館開騷，20場門票火速被掃清，喺徇眾要求下加開12月31日、1月1日及2日嘅終極3場，門票喺大後日公開發售。不過，除夕場因交通管制封路問題，當晚將提早喺晚上7點半開騷，觀眾冇得同學友倒數。

學友話：「巡迴演唱會已經整裝待發，嚟緊21號喺北京開始，𠵱家進入最後倒數，我同團隊會做到最好，希望成為大家心目中經典演唱會。」

撰文：馮仁昭
from:http://hk.apple.nextmedia ... 161011/19796726

TOP