上周六情人節（14 日），陳鍵鋒出席新劇《學警狙擊》宣傳活動，跟新拍檔梁嘉琪騎膊馬打保齡球時失去重心，雙雙向後倒地。這一跌令陳鍵鋒觸及04 年撞車舊患，右邊頸部不能郁動，本周一（16 日）晚，更需留院治療。
據知，此事令有傳勁
陳鍵鋒的新拍檔梁嘉琪大為緊張，還即時傳短訊慰問對方。本周二（17 日）梁嘉琪接受本刊電話訪問時，直認關心對方傷勢，還大讚對方是她欣賞的類型，「佢令我好窩心！」
鋒鋒，擔心死人啦！（設計對白）
放心，我仲未死得！（設計對白）
情人節當日，無線安排新劇《學警狙擊》一眾演員舉行首次宣傳活動。席間陳鍵鋒被安排跟劇中飾演其女友的梁嘉琪玩遊戲，兩人騎膊馬打保齡球時失重心向後倒地，當時陳鍵鋒還笑笑口死撐，但沒有即時求醫。
本周一（16 日）晚，陳鍵鋒在經理人（右）陪同下入院留醫，現場所見他如機械人一樣，頸部不能轉動。
陳鍵鋒留院當晚，還在自己Yahoo Blog 上講感受，並將在病床上的照片同網友分享。
梁嘉琪短訊慰問
本周日（15 日），陳鍵鋒在經理人陪同下到油麻地官涌街市附近的木源綜合矯脊中醫館求診，醫師盤木源替他針灸後，再替他推拿及敷藥。翌日陳鍵鋒情況未有好轉，晚上七時許在經理人陪同下到九龍聖德肋撒醫院求醫，並即時留院。
原來陳鍵鋒入院當晚，本來相約《學警狙擊》台前幕後工作人員打邊爐看首播。據知情人士表示，陳鍵鋒缺席令女拍檔梁嘉琪非常失落，「嗰晚嘉琪知道Sammul （陳鍵鋒英文名）受傷入院好緊張，仲即刻傳短訊俾佢，其實拍劇時，嘉琪見到Sammul 都會好
，聽講佢仲成日主動打電話俾佢
！」
陳鍵鋒04 年7 月駕駛落地只有三個月的豐田Harrier ，經舊機場隧道往尖沙嘴時，在隧道口失控撞向石壆，車毀人傷，令胸軟骨破裂及頸部肌肉拉傷，要入院留醫。
本周二（17 日）晚，陳鍵鋒出院，並負傷任萬寧公司春茗的表演嘉賓，一於搵錢至上。
我好欣賞佢
本周二（17 日）下午，本刊聯絡當日同樣受傷的梁嘉琪，她表示當日返家後嘔吐大作及頸部不能轉動，翌日求診發現有輕微腦震盪及頸部肌肉拉傷。談到陳鍵鋒的病情，梁嘉琪表現得相當關心，亦承認有傳短訊問候。
至於陳鍵鋒為人梁嘉琪更讚不絕口，「有次我哋拍夜晚落水戲，佢知我唔識得游水，佢拍完自己嘅戲份都唔走，留低幫我，嗰次我真係好感動，好窩心，證明佢個人好細心，我真係好欣賞佢。（佢符唔符合你擇偶條件？）哈（
笑）
……都岩嘅！（聽講你成日打電話俾佢喎？）我通常打俾江若琳同海媚姐。（如果佢追你會唔會接受？）到時先算啦！」
本刊致電陳鍵鋒，他表示因為04 年接連撞車，令頸骨出現裂痕及頸肌拉傷，他怕新傷影響舊患，故入院詳細檢查。「嗰日受傷諗住訓醒一覺冇事，點知第日條頸郁唔到，右邊背脊同手臂都麻痹咗，條腰又好痛，所以即刻去睇中醫，但之後都係冇好轉。入院照咗磁力共震同X 光，醫生話我椎間盤有兩個位突咗出嚟壓住嘅神經，如果變成慣性移位就手尾長，所以要做物理治療。」對於梁嘉琪勁
他一事，「我哋只係合作得好愉快。我都做過新人，提點下好應該啫！（有冇機會發展？）嘩！冇諗呢啲嘢喎！」
在上周六《學警》宣傳活動上，陳鍵鋒被安排和梁嘉琪合力打保齡球，梁嘉琪上膊時，陳鍵鋒已站不穩。
由於梁嘉琪將保齡球打得太近，陳鍵鋒打算出腳相助，卻失去平衡，兩人齊齊倒地。
跌倒後，梁嘉琪不理自己受傷，細心替陳鍵鋒按摩頭部，關心拍檔多過自己。
出事逐格睇
梁嘉琪在有線娛樂新聞台任主播時，訪問過不少名人紅星，包括陳寶珠。
梁嘉琪接受訪問時，坦承曾跟張繼聰有一段情，及後更大方出席張繼聰和謝安琪婚宴。
張繼聰舊女友
今次
爆陳鍵鋒的新人梁嘉琪是張繼聰前女友，03 年演藝學院戲劇學院表演系畢業，之後加入有線電視娛樂新聞台成為主播。04 年3 月，她瞞住公司參加寰宇劇集《伙頭智多星》女主角招募，雖然贏了冠軍，但卻差點被有線控告。梁嘉琪最後惟有放棄拍劇機會，但亦被有線懲罰，轉為幕後寫稿及錄音，至06 年解封兼任娛樂台節目《怪談》主持。07 年，梁嘉琪轉投無線娛樂新聞台任主播，同年被踢爆跟張繼聰相戀7 年後被謝安琪撬牆腳，她回應時表示跟張繼聰仍有聯絡，更說：「呢啲嘢就算老婆都理唔到！」
