同人唔同命，同「姐」唔同「呢」。黃翠如和梁嘉琪兩位有線前靚女主播，在同一地點出發後各散東西，輾轉間再在無綫碰頭。不過翠如BB一闖關便爬到一線當女主角，嘉琪在旁總是給比下去。際遇迥異沒有影響兩姊妹感情，原來背後源於一個互相支持的信念。
黃翠如（右）和梁嘉琪同於有線出身，但加入無綫後，際遇迥異，外間常將兩人比較。
黃翠如在無綫劇集《師父﹒明白了》擔正做女主角，好友梁嘉琪則飾演一個啞女角色，主副之分一目了然，對比在黃金時段緊接的重頭劇《衝上雲霄II》一眾前輩級演員，雖然處於弱勢，收視亦稍有距離，但翠如ＢＢ勝在感覺入屋，即使演技未到家，亦有不少捧場客。
日前就連周潤發在無綫出席電影記者會時都開口讚翠如ＢＢ在劇中演得不俗，令為收視感壓力的翠如感到安慰，她說的確有點受寵若驚。
大家係P仔
翠如和嘉琪同於有線出身，但加入無綫後，際遇迥異：前者大豐收瞬即當上花旦，後者捱了幾年仍未上位，步伐緩慢，有如龜兔賽跑一樣，對於外間常將兩人作比較，翠如有自己一套見解，她說：「最近要自己揸車返工，我係Ｐ牌，沿途好多人呠我，爬我頭，有人或者會讓你，沿途好多人喺你前後，有人推有人讓，等同個情況變咗嘉琪同我關係好close，觀眾睇得戲劇化咗，其實大家都係Ｐ仔，要去到目的地，沿途大家睇到唔同風景。」
站在翠如身旁，總是被比下去的嘉琪，臉上沒有一絲被拋離的感覺，樂於暢談跟好姊妹的此起彼落，但她坦言：「要睇點take同點聽，事實上自從我入無綫後，每次訪問都係同一個話題，好似我入嚟咁耐，翠如都走得比我前，話我在襯托佢，真係睇邊個起點位，佢之前做有線，又拍電影做主角，唔係今時今日先入行，大家覺得我好慢，係咪我之前做得唔夠好呢？要反省多於要同佢比較，我好清楚自己位置，唔係一嚟有女主角做，但翠如就係一個主角樣。」
翠如在無綫發展理想，瞬即爬上一線做主角。
嘉琪在無綫捱了幾年，但仍未上位。
在無綫做當家花旦，盛傳翠如是無綫高層余詠珊舊有班底的愛將，所以才可以順利直搗黃龍，爭一席位，但翠如表示傳聞的景況與事實並不相符，她聽到余詠珊的名字，即一臉無奈的說：「喺戲劇科同余詠珊扯上關係特別唔開心，Sandy（余之洋名）連我𠵱家拍乜嘢劇都唔知。」古語有云朝中有人好辦事，有高層撐腰豈不是事半功倍？翠如反問道：「你話呢？如果係咁簡單就唔係ＴＶＢ啦！」
翠如繼續說：「令我最難過係大家用ＴＶＢ做起點，之前工作冇計過咁，我入咗行十年，入咗無綫年幾兩年，但我好明白，好似鄭俊弘個case，喺無綫我認識好多同類處境嘅人，明白大家對我現時所擁有覺得奇怪，有時自己都有同感，所以呢刻我擁有咁好嘅禮物，下一刻要收番，或者跌番落去我都預咗，會好好利用同享受呢份禮物。」
情路食白果
訪問初期，翠如顯得比較健談，很多時都會維護嘉琪去對答問題，在你一言我一語之下，嘉琪變得滔滔不絕，說能讓她們作為好友的共通點是大家夠hea。嘉琪坦言加入無綫初期朋友不多，聯絡的都是以前舊同事，翠如當然榜上有名。
嘉琪說：「佢幾乎係我唯一女性最好朋友。」還笑言自己性格男人，翠如接着說：「係啦，女人應該有特徵我哋都冇，我哋真係hea到去旅行可以唔化妝，着啲衫都係準備掉嘅，超樣衰，好難搵到咁hea嘅朋友。」
嘉琪畢業於演藝學院，而翠如曾獲得獎學金到英國進修戲劇，之後曾想過考入演藝，當時已有聽過嘉琪的名字，還說：「有同學入咗演藝後話嘉琪係演藝之花，係當年風頭躉。」嘉琪即笑言：「好彩你冇嚟爭飯食咋，我當時都ＯＫ㗎！」二人在情路方面暫時食白果，在公司可以有爭食空間，嘉琪說：「唔好咁講。」而翠如則說：「呢度我哋兩個都冇得食，算吧啦，搵餐飯食就可以，好彩我哋唔同路線。」
翠如在無綫劇集《師父．明白了》擔正做女主角，但嘉琪只飾演一個啞女角色。劇照
翠如（左）和洪永城主持的無綫節目《走過浮華大地》也受到好評。
資料圖片
嘉琪在不少無綫劇集中擔當二線的花旦角色。《回到三國》劇照
from:
http://hk.apple.nextmedia ... 130804/18362906
