陳鍵鋒返璞歸真放膽行街市
全力主攻內地市場的陳鍵鋒，闊別香港螢幕多年，靚仔外形冇變過，不過心態卻大不同，拍劇不再「濫」，更甘願「降呢」變平民化﹗
陳鍵鋒闊別香港螢幕多年，大放風聲恨怕港劇，總之有得搵銀就enjoy。
早在內地電視界「開發」市場的陳鍵鋒，跳出香港殺出血路，由當年的花o靚新人，搖身一變電視界一哥。以前有劇接劇，樣樣工作都覺得是機會，現在的陳鍵鋒反而會精益求精，有要求，才能坐穩一哥之位：「工作咗咁多年，自己都開始會有藝術上嘅要求，對劇本、導演、班底都會睇得好小心，會挑剔啲，至少唔會接部爛尾片。」次次袋足人工，從未遇上爛尾片的他，問到會否回港拍劇，他即大放風聲說：「總之有錢搵嘅嘢都enjoy做。」
人愈大心態愈化，陳鍵鋒日日搭港鐵，「蒲」街市，向明星包袱say goodbye。
諗通不再尷尬
在娛樂圈工作愈耐，心態愈變愈化，陳鍵鋒大嘆以前顧忌多，怕搭公共交通工具，怕被人認出，怕尷尬，樣樣都怕一餐。不過現在的陳鍵鋒，留港時間相對少，反而更諗得通，他說：「心態唔同晒，以前好介意搭車畀人認出，不過依家我死搭港鐵，成日行街市，我同街市啲阿姐好熟o架﹗」
服裝：Twist
