同樣一上鏡就出事嘅林嘉欣、廖碧兒，拍埋一齊合照，簡直「肥」逢敵手。
肥，唔係罪過，但減極肥都仲係好大隻先至係痛苦嘅根源。娛樂圈中最佳「大隻妙」例證，必數電視代表廖碧兒，以及來自電影界嘅林嘉欣。
瘦到胸都無埋嘅廖碧兒，要經常扯件晚裝防走光，減肥唔瘦手臂瘦對胸，大忌！
林嘉欣自爆近排做咗煮飯婆，親自下廚少油少鹽所以瘦咗些少，當日更表現敏捷嘅一面，避開攝影師用來打燈嘅燈光遮。
兩位「重量級」代表上個禮拜三（十一日）齊齊出席一個飾物店宣傳活動，更遵照大會要求，以低V 及露肩晚裝配襯品牌首飾做客席model 。
近排瘦咗唔少嘅廖碧兒，搞到35C 勁cup 身材都無埋，可惜手臂同塊面依然唔變，拍埋同樣瘦咗好多，但上鏡就斤兩十足嘅林嘉欣身邊，我只能講一句，逼爆鏡。
