陳鍵鋒昨日跟梁嘉琪齊齊為新劇宣傳，對於有傳拍檔愛上他，陳鍵鋒即顯得相當尷尬。而說到之前整傷嘉琪，陳鍵鋒即表示願意煲湯給對方補償，認真識做！
苗僑偉、陳鍵鋒、周海媚及江若琳等昨日到香港警察於會展的招募處為新劇《學警狙擊》宣傳。問到陳鍵鋒有指梁嘉琪愛上自己一事，他即表現得甚為尷尬，更不停拉動其外套上的拉鏈：「我唔知
！你哋問番佢啦！（之前整傷佢？）係，好似話腦震盪。（照顧佢下半生？）使唔使呀！佢有人照顧
啦，最多煲豬腦湯畀佢，不過佢要煲番花膠湯畀我。（有冇機會發展吓？）我唔識答呀！你哋自己問番佢！」
江若琳被借廿蚊
說罷陳鍵鋒即拉嘉琪來澄清，並將對方跟張繼聰的舊緋聞擺上
，陳鍵鋒笑謂：「你快啲出嚟同人講清楚呀。（咁你覺得嘉琪點？）幾好人啦，不過張繼聰都好好人。」無奈被翻舊帳的嘉琪，在旁只懂傻笑，並謂未曾說過愛上陳鍵鋒。
至於首次拍劇的江若琳，笑言新劇出街後，不少街坊也以其劇中的花名來叫她：「好多人都叫我做翻版妹，又有啲陌生人問我有冇廿蚊借，真係好搞笑。因為我喺劇入面嘅性格好粗魯，搞到依家都有少少改唔到。（怕流失fans ？）咁又唔會，佢哋知係拍劇需要。」
海味擔心
壞人
苗僑偉則指不少朋友讚《學》劇好睇，說到早前吳卓羲曾指若新劇收視好，三哥便會穿上泳褲打高爾夫球，對此三哥即笑指不會以此方法慶祝。同場的海味則表示新劇戲味甚濃，問到她可覺得《學》劇是抄電影《門徒》時，她說：「唔可以話抄，咁犯罪集團都係差唔多，因為齣劇講好多販毒嘅嘢，擔心會教壞青少年，所以我哋出嚟做宣傳要正氣啲。」
文︰影視組
陳鍵鋒被問有指梁嘉琪愛上自己一事，即表現尷尬，並想盡辦法甩身。
三哥與嘉琪（左）及江若琳兩位小師妹相處融洽，絕無隔膜。
江若琳在《學》劇中形象粗魯，但她絕不擔心會因此而流失fans 。
海味稱要以正氣形象出來宣傳劇集。
