昨日孫耀威（Eric ）、傅穎（Theresa ）、張敬軒及官恩娜等現身尖沙嘴出席基本法嘉年華活動，Eric 和Theresa 趁機相約對方帶同自己的新唱片到場，互相簽名留念。最近有報道指Eric 的緋聞女友楊秀惠疑打botox 失敗，令面形變歪，Eric 表示已有一段時間沒見過楊秀惠，他笑說：「botox 都好耐技術，唔會打到歪咁渣呱，貪平呀？定係角度問題？」他又指很多藝人進娛樂圈後，因化妝技巧變好而變得漂亮。問他會否致電楊秀惠時，他竟抵死地說：「我都想知真相。」Eric 認為打botox 並不算整容，故也不介意女友這樣做。事後記者致電楊秀惠，得知被孫耀威踩後，她笑說：「我唔會鬧佢，不過我一向大細面，我成日畀人笑係大細面，我右邊面大啲，左邊面瘦啲，冇所謂啦！人必然有啲缺點，所以我要靠化妝同梳頭彌補番，其實我嘅面形係下巴尖尖，只不過以前係baby fat ，而家25歲唔通仲baby fat 咩？我係瘦咗啫，我冇試過打botox ，我又唔係好醜樣，OK 啦！」
楊秀惠出道時面圓圓（右圖），現時則下巴尖尖大細面，但她強調只是瘦了，沒有注射過botox 。資料圖片
官恩娜改善說話
另一方面，官恩娜表示近日養了兩隻小狗，雖然兩隻小狗都經常生病，但也為她帶來不少歡樂，問她是否因早前爆鹹豬手事件傳被無線封殺而感不快？她說：「我不嬲都好正常，冇特別唔開心，我知我係一個講嘢都幾快嘅人，我會慢慢改進。」採訪、攝影：林惠卿
張敬軒昨日也有份出席基本法嘉年華活動。
官恩娜透露近日養了兩隻小狗，為她帶來不少歡樂。
孫耀威和Theresa 昨日出席活動時互贈新碟，既可交流感情也趁機自我宣傳。
from
http://appledaily.atnext. ... art_id=12252769
