黃長發為愛退出娛樂圈，胞兄黃長興昨日則繼續做其藝員，在將軍澳電視廣播城出席新劇《有營煮婦》開鏡拜神儀式。而長興緋聞女友曹敏莉前晚在中環出席一慈善活動時，表示曾與長發通電話，大讚他是好男仔。對於有指長發被人以每月5萬元照顧一事，她說：「我唔相信，呢啲係惡作劇，大家一定會知真相。」問到長發可曾介紹女友Karen 給她認識時，她即劃清界線說：「我已經有好多朋友，唔使識新朋友，唔好咬住長發唔放。」
否認逐弟出家門
黃長興被問及長發瘋戀Karen 的事，即攤開雙手大潑冷水。
另一方面，對於有傳聞指長發因姊弟戀敗壞家聲遭逐出家門，長興昨日說：「根本冇啲咁嘅事，我細佬而家仲係同我媽咪一齊住，行到呢步最緊要係佢開心，我哋係一家人就係一家人，就算佢做岩同做錯都可以返屋企，我父母未同Karen 見過面，將來唔知道，但係目前佢哋都未去到見家長呢個地步。」問長興是否睇好長發的戀情時，他無奈地攤開雙手，有些潑冷水地說：「愛情啲嘢好難講，你唔知將來啲嘢係點，就算今日好開心，岩岩拍拖梗係好美麗，不過係咪會一齊就no comment 啦。」有指長發被飛出港男招募宣傳，長興說：「佢都離開TVB ，公司立場覺得既然長發同樂小姐和平講離開，所以佢冇份都好正常。」採訪：何慧斯攝影：葉君海
曹敏莉謂不相信黃長發要靠他人畀錢照顧。
http://appledaily.atnext. ... art_id=12229744
