細佬食𡃁模
由頭pink 到落腳嘅諸葛梓岐，同家族身家逾8 億嘅Neway 二太子薛嘉麟繑晒手拍拖，全程笑到落尾，咁都唔認拍拖？唔通要影到好似倪震咁當場打車輪先肯認？
拍過好立克廣告、最近客串《保持愛你》嘅𡃁模諸葛梓岐屋企聽講有嘅米，揀男友梗係要揀個屋企一樣有錢㗎喇。上星期四（12 日）FBI 喺金鐘太古廣場睇戲就撞到諸葛梓岐繑到男友隻手實一實笑嘻嘻喎，邊個咁好彩？
原來係Neway 二太子，陳法拉男友薛
嘅細佬薛嘉麟。FBI 之後打電話畀諸葛小姐八吓，聽佢把聲都知佢含笑扭擰咁答：「好朋友啫，其實而家都觀察緊，有緣分都會繼續。情人節未知呀，未知點慶祝呀，未知會唔會送禮物呀……不過佢都幾好，幾孝順。」FBI 都唔明點解嘅女星搵親男友條件都要孝順，你做佢女友啫，唔係做佢老母喎。
阿哥嗒花旦
阿哥薛世
（左）有花旦女友陳法拉（右），細佬唔輸蝕，搵到位當紮上位索模，打和。
即彈
俾FBI 發現睇戲啫，唔係男友有傳染病，梓岐唔使彈到咁遠喎！FBI 留意到梓岐右邊大髀瘀咗，唔係男友肉緊得滯呀！
平時揸Audi 50 幾萬跑車嘅諸葛梓岐，當日坐住男友公司名義登記、價值50 萬嘅Benz CLK 跑車，真係襯到絕。
