黎姿和富商馬廷強一連兩晚在半島酒店舉行婚宴，行動和說話不便的黎嬰前晚送上驚喜給胞姊黎姿，除了親口祝福胞姊外，又用電腦打中英文祝福語。姊弟在台上擁抱以示鼓勵，黎姿和丈夫則咀不停，並做好心理準備隨時做媽咪。
黎姿和富商馬廷強農曆新年前在澳洲悉尼註冊結婚，前晚和昨晚在尖沙嘴半島酒店設宴，昨晚嘉賓有馬清偉與女伴，以及馬清鏗等。無線高層樂易玲連續兩晚赴會，昨晚她到埗時謂婚宴令人感動。黎嬰前晚送上驚喜，除了講祝福說話外，又用電腦打出祝福語「Wishing you the happiest-ever-after ever 」以及「快樂婚姻必須戀愛許許多多次——跟同一個人。」
黎嬰（箭嘴示）穿上禮服到賀，為免被拍照，七人車內以報紙遮擋。
職員攤開帆布遮著駛回療養院的七人車。
徐子淇獨自赴會
樂易玲昨晚9時出來說：「今晚嘅婚宴同噚日唔同，今晚有好多花，有玫瑰同牡丹花。GiGi 著咗件紅色衫，每張枱用唔同國家做主題，代表佢哋拍拖時去過唔同地方，好似我張枱以東京做主題。GiGi 又喺台上話馬生好鍾意食，要學整多啲嘢食，養到佢肥肥白白，馬生就話追GiGi 追得好辛苦。」樂易玲又透露徐子淇獨自出席婚宴。大會9時則送上褔臨門飯盒供記者晚膳。談到前晚婚宴，樂易玲說：「一對新人喺台上都有喊，嘉賓多次拍手鼓掌，仲輪流上台祝福佢哋，Stephen （黎嬰）同家姐互相擁抱又親吻，因為佢知道家姐為咗佢犧牲好多，GiGi （黎姿）喺台上講佢已為人大伯娘，要盡力照顧家人同盡妻子本份，佢仲唱咗首《甜蜜蜜》送畀老公。賓客祝佢連生貴子，三年抱兩，其實GiGi 做好心理準備會好快生。」黎姿準備了Tiffany 品牌的純銀首飾盒送給賓客。
黎嬰用電腦打出中英文祝福語賀胞姊。
黎姿和丈夫馬廷強已做好心理準備生兒育女。資料圖片
昨日黎姿透過無線發了兩款婚照，分別是一襲婚紗和一襲粉紅晚裝，雖未見丈夫馬廷強在旁，但黎姿笑容甜絲絲。據知這輯相是黎姿和丈夫設宴前一天提早入住酒店補影的，由著名攝影師張文華操刀。至於前晚11時，賓客盡興離去，同時有兩架七人車在兩個不同出口出現，其中一架用報紙包圍，但仍隱約看見車尾廂有一張輪椅，又看見一名穿禮服和戴眼鏡的男士，相信他就是黎嬰。由於該車是返療養院，故療養院職員用帆布遮住車身，避免記者拍照。採訪：何慧斯、魯萍、藍文浩、王崇穎攝影：陳順禎、陳慧安、娛樂突發組
黎姿穿上粉紅色晚裝，高貴動人。
馬清偉和女伴昨晚到賀黎姿和馬廷強的婚宴。
黎姿在酒店補影婚紗照，看她甜到漏的笑容，就知道新婚多甜蜜。
from
http://appledaily.atnext. ... art_id=12218974
