郭富城排舞師Sunny 昨日結婚，迎娶比他大一年的模特兒女友洪華（Angela ），Sunny 先後出動一級方程式賽車及情侶三輪車接新娘。郭富城到賀之餘，更為新郎簽紙做證婚人。
郭富城與陳慧琳的御用排舞師Sunny （黃國榮）昨日與拍拖兩年多的模特兒女友洪華（Angela ）拉埋天窗，晚上在君悅筵開40席，城城更為Sunny 簽紙做證婚人。
新郎：黃國榮（Sunny ）年齡：42歲 職業：排舞師新娘：洪華（Angela ）年齡：43歲 職業：模特兒
郭富城到賀兼做證婚人簽紙。
Ariel F1做花車
Sunny 昨日早上11時半，出動一架意大利Ariel F1跑車做架勢花車，到君悅接新娘。之後，Sunny 改踏三輪車，載老婆去灣仔金紫荊廣場拍照，中途三輪車以S 形前進，又差點撞牆、又阻礙其他車，十分搞笑。Sunny 及洪華在廣場咀足15秒，洪華說：「好開心，好彩冇落雨，我畀Sunny 80分，等佢有20分進步。」Sunny 說：「我愛佢一生一世，我唔係完美男友，盡力做啦。」一對新人晚上6時半切蛋糕，更兩度再咀嘴。洪華換上自己設計、價值45,000元的Olivia Couture 婚紗，戴上3卡鑽石戒指，Sunny 則穿Gucci 白色禮服。
一對新人在金紫荊前大方咀足15秒，十分sweet 。
揚言要型到生的陳慧琳，繼續斗零踭到賀。
洪父剛做手術
洪華說：「因為爹哋早幾日喺上海做咗心臟手術，所以家人都嚟唔到，送咗呢套婚紗同首飾畀我，琦琦就送咗套Walter Ma 設計嘅晚裝。」晚宴上，除郭富城與小美外，李克勤、側田、任達華與琦琦等都有到賀，克勤更上台唱歌，城城說：「我18歲喺訓練班識佢（指Sunny ），佢當時16歲，大家麻麻哋，互相眼望望，之後喺加拿大做嘢先開始咗友誼。我哋而家昇華到家人，我好似長輩咁睇住細佬結婚。」採訪：Jessica Ngan 、Rachel Wong 、Chek Po Fa 攝影：Ricky Ip 、Wong Wai Hung
郭富城御用排舞師Sunny 和模特兒女友洪華昨日結婚，更踩三輪車載老婆出遊影相。
http://appledaily.atnext. ... art_id=12215106
