近日23歲港男冠軍黃長發與富商三奶李姿霆（Karen ）打得火熱，成為城中新聞，但戀情不獲女方家人接納，有指當中與錢作怪有關。Karen 昨日哭訴雖遭家人離棄，但不會動搖與黃長發的姊弟戀。
黃長發最近被揭與富商三奶Karen 發生姊弟戀，兩人相距16年，女方又有一名5歲女兒。Karen 爸爸日前大爆女兒昔日感情生活多姿多采，他又不滿Karen 與長發的姊弟戀。對於父親的指控，Karen 顯得很痛心，她昨日接受電話訪問時不禁哭訴說：「我唔明阿爸點解唔係維護個女，仲要擺我上枱。」
願返社會謀生
問到可會是因為Karen 與富商斬纜後減少給雙親家用，Karen 說：「點會？我每月固定自動轉賬8000蚊畀媽咪，我冇直接畀錢阿爸，但有時佢出trip 或者打麻雀，都會主動問我嗱錢，有時幾萬，有時幾千，而家我離開富商，我嘅生活都未受影響，我仲有積蓄，或者會坐食山崩，但我係珠寶鑑證師，可以出番嚟工作。」Karen 表示與長發真心相愛，她說：「好彩阿發日日安慰我。」由於Karen 曾在藝能公司工作，被傳與導演錢永強、歌手伍思凱和曾志偉過從甚密，Karen 否認說：「我哋係試過朋友聚會玩過，但大部份都冇聯絡，只係剩番志偉。」那曾志偉可有聯絡慰問？Karen 說：「我都唔敢煩佢。」至於Karen 爸爸昨日則在電話中說：「我都管教唔到個女，我祝佢好運，白頭到老。」
Karen 父親不願意以真面目示人，女兒更爆他不時索取金錢。
黃長興（右）謂一定支持胞弟黃長發，但暫無意與Karen 見面。資料圖片
長興支持胞弟
黃長發胞兄黃長興表示無論有任何決定，全家都會力撐到底，長興昨日在電話中說：「我呢排冇見細佬，都知佢有自己事要處理，我相信佢可以handle 得到，成件事上，長發都冇傷害過任何人，我都唔嬲Karen 爸爸，佢講嘢有自由，我哋做嘢問心無愧。」長興表示雙親暫無意跟Karen 會面，他說：「就算將來細佬散咗，我哋一家都繼續支持佢。」此外，譚詠麟（阿倫）和李克勤也是屬於藝能，前晚問二人是否認識Karen ？阿倫說：「佢係我同事，李小麟同佢最熟，因為Karen 係佢秘書。」問到當年是否覺Karen 很靚？阿倫笑說：「因為佢係一個職員，我睇佢角度好唔同，冇理由日日上下打量佢，我係用嚴肅眼光去望佢。」克勤則表示完全認不到。記者前日致電李小麟，他在電話中說：「我對佢冇印象。」說畢即匆匆收線。採訪：比華利、王連連
Karen 力撐與黃長發真心相愛，希望得到身邊好友和家人的支持。
from
http://appledaily.atnext. ... art_id=12210162
