黃長發與年長16歲的富商三奶李姿霆（Karen ）爆出姊弟戀，外間一致不睇好，就連黃長發兄長黃長興也揚言不會跟Karen 見面，他說：「唔需要去見佢，等佢哋呢段感情認真咗先算啦！」至於跟該富商認識的張耀榮大潑冷水說：「到個女人40、50歲又老又殘過陣，睇個男人仲會唔會一樣咁愛佢！」
現年23歲的港男冠軍黃長發因教法文而搭上39歲的富商三奶Karen ，雖然Karen 較黃長發年長16年，而且又與富商育有一名5歲女兒，但黃長發仍不顧一切與相識僅兩個月的Karen 火速撻著，甚至甘為愛情放棄演藝事業，與無線由經理人合約改為一騷合約，並揚言不打算在娛圈繼續發展。
「等佢哋認真咗先」
黃長發與年長16年的富商三奶Karen 撻著，原來張耀榮（小圖）也認識該富商。資料圖片
身為黃長發兄長的黃長興，昨日接受電話訪問時，明顯不贊成弟弟發展這段姊弟戀，記者問黃長興可曾跟Karen 見面，他說：「我未見過個女仔，亦唔需要見佢，等佢哋呢段感情認真咗先算啦！佢哋段感情我唔comment ，感情去到邊度我唔知道，但佢係我細佬，我都會支持佢，其實佢哋係咪適合一齊仲未知，我覺得要諗清楚呢個女仔係咪適合自己，最緊要係唔好影響到身邊嘅人。」究竟父母是否已知黃長發的戀情，他們是否支持？黃長興未有正面回應，只說：「爹哋媽咪喺香港，佢哋都知道件事，亦好清楚每個仔嘅性格，知道細佬唔係貪慕虛榮。「以前我好take care 佢，當佢BB 咁，但我想佢大個啲，所以佢入咗TVB 之後，好多嘢我畀番佢自己決定，佢開始好多嘢都冇同我講，到佢拍拖之後先同我講。外間有好多傳言，話我細佬貪錢先至同個女仔一齊，我只可以講我由細睇到佢大，佢好單純好天真，佢拍拖就拍拖，絕對冇諗咁多嘢。」
張耀榮識長發情敵
不過，外間對這段姊弟戀毫不睇好，如跟該富商認識的演唱會之父張耀榮，昨日便在電話中說：「我未見過個女人，都唔知佢（指富商）有二奶、三奶。不過我都唔睇好佢哋呢段感情，個女人大過個男人咁多，到個女人40、50歲又老又殘過陣，睇個男人仲會唔會一樣咁愛佢！」採訪：林妃
人物誌：富婆曾任職娛圈
黃長發前晚與Karen 開記者會，宣佈為愛退出娛樂圈。資料圖片
黃長發因教導39歲的富商三姨太李姿霆（Karen ）法文而譜出戀曲，據悉該富商已66歲，並育有五名子女，當中正室有三個兒子，二奶生了一個女兒，Karen 也為他誕下一名女兒。據知Karen 早年曾在藝能娛樂任職秘書，與圈中人素有聯絡，她更認識曾志偉、陳小春和台灣藝人伍思凱等，後來她任職地產經紀，因口才了得冧掂不少客人。有指Karen 事前不知富商有家室，但據悉她一開始已得知富商有太太，並想盡辦法結識對方，最後成功成為三姨太，更獲富商照顧及送贈西貢匡湖居寓所及房車等。
黃長興表示未見過弟弟的女友Karen ，並勸他們不要影響身邊人。資料圖片
http://appledaily.atnext. ... art_id=12197935
