李克勤和譚詠麟再度攜手合作「左麟右李」演唱會，前晚演出第10場，近日魔術鹹豬手事件熱爆全城，他們聯同錢嘉樂在台上拿鹹豬手新聞大開玩笑，並大講有味笑話，阿倫更抵死笑指應將鹹豬手放逐到牧場。
共12場的「左麟右李」演唱會，前晚在新裝修後的紅館舉行第10場個唱，吸引了關淑怡、宣萱和范徐麗泰等來捧場，李克勤和譚詠麟在台上又唱又跳之餘，更聯同錢嘉樂拿近日熱爆全城的魔術鹹豬手新聞大開玩笑。
錢嘉樂促閹割
錢嘉樂先在台上氣憤表示要將鹹豬手閹割，阿倫附和說：「太嚴重，計我話應該將鹹豬手捉去牧場做嘢，等佢日日揸奶，揸到手軟，揸到驚。」兩人你一言我一語大講有味笑話，引得全場爆笑，但卻有教壞細路之嫌。前晚關淑怡擔任表演嘉賓，她在台上大讚瘦身成功的阿倫肚腩不見了，但卻慘遭阿倫食豆腐說：「因為去咗你個胸度，你係唔係成日掛住返屋企餵奶？」令關淑怡尷尬非常。原本前晚的個唱是最後一場，但因加開了13及14日兩場，所以前晚「麟李」演唱會後即拉大隊到尖沙嘴宴請一班工作人員慶功，順道恭賀克勤新碟大賣。
口不擇言的錢嘉樂前晚在演唱會上大講有味笑話。
盧淑儀前晚也有出席慶功宴，不過她就表現得十分避忌。
吃烚雞蛋
弗
李克勤連續兩個月都是靠吃烚蛋及白飯過活，認真單調。
克勤接受訪問時坦言因為個唱，日日只吃烚雞蛋及白飯度日，阿倫更埋怨日日食「鞋底雞扒」過活，難怪兩人前晚都放鬆肚皮，不過克勤接受訪問時說：「因為仲有兩場演唱會，所以我都要keep 住，但健身教練都叫我唔使再節食，佢話我太瘦，只係得120幾磅，不過我知阿倫平日都有偷食，因為佢嘴角成日有油水，今次演唱會我最意外就係阿倫原來係識震波㗎。」採訪：王崇穎、葉雪攝影：陳俊強
任嘉賓的關淑怡慘遭譚詠麟（中）食豆腐，令她哭笑不得。
from
http://appledaily.atnext. ... art_id=12193437
