天明轉文頌嫻，搞到假髮都fing 甩，王祖藍都愛莫能助。
日前《鐵甲無敵獎門人》錄影，嘉賓以唔同嘅扮相示人，最搶鏡莫過於一直唔肯認拍拖嘅洪天明同周家蔚呢一pair ，佢哋嘅寧采臣同聶小倩造型算係絕配！
雖然洪天明同周家蔚死唔認拍拖，但天明玩到衣衫不整，周小姐就即刻「出手」，唔使講大家都明佢哋關係啦！
一撻
再撻
文頌嫻頭撼地，痛到攬實個頭唔識郁。
三撻
文頌嫻被連撻三下後，已經筋疲力盡，起身都冇力。
Yumiko 玩「搵啖食」環節，搞到一面都係髮菜，但事後所有嘉賓都一人一隻手咁幫佢抹面，好有阿姐風範，乜都抵返啦！
不過玩「接力賽」環節時，洪天明反而編咗同文頌嫻一組，佢哋擺明唔合拍，玩咗一陣洪天明已經轉到連假髮頭套都甩晒，狼狽不堪。文頌嫻就更加慘，皆因天明唔識憐香惜玉，不停當佢係生魚咁嚟撻，文頌嫻仲曾經被撻出軟墊之外，痛到要攬實個頭，之後連起身都要人扶添。冇法啦，兩個唔過電嘅，點同一對小情人比啊，睇吓事後周家蔚即刻呵番哄天明就知啦！
