Theresa 奉送的其中一款海報中，穿上熱褲盤腳而坐，性感程度令宅男叫救命。
傅穎（Theresa ）繼上年書展出的比堅尼寫真集大賣後，食過翻尋味的Theresa 踏入牛年再度出擊，於情人節前夕（本月13 日）再推出全新雙封面的EP 《Dearest 》，更以sexy 及cute 造型分兩款EP 登場，每款仲奉送兩款有Theresa 低胸狂晒長腿的造型，實行比上次的單張CD 來得更徹底。儲齊4 款海報「粉絲」就要買齊2張CD 喎，打劫得你荷包當然去盡啲啦！
各位電車仔記緊情人節出擊喇！
20"×30"海報 咁大張Theresa 嘟嘴海報陪住你，仲咁鬼sexy ，最近搬離咗是非屋西環泓都，真係成個人鬆晒喎！
唱片封面中，Theresa 搞朱古力漿都要低胸嘟嘴，電車男想唔流鼻血都唔得啦！不過呢個sexy 封面造型，冇隨碟海報附送。
$220 睇晒Theresa
今次Theresa 第三張個人EP 分別以「sexy 」及「cute 」的造型分成2 款EP 推出，比過往以雙倍成本製作，佢仲話響構思同形象都畀咗唔少意見：「我最鍾意cute 封面張相，好有少女味，今次附送埋我親身經歷嘅愛情短片DVD ，超抵買！」食住情人節檔期，Theresa 以手製濃情朱古力做大碟主題冧fans ，每張碟附送兩張一大一細海報、DVD 愛情短片及3 首MV 、短片snap shot相集，以及Theresa 親手繪本postcard ，想「睇晒」性感同可愛的Theresa $220就有交易，金融海嘯下電車男都絕對唔可以慳。
Sexy ver.EP
舊年響寫真集玩完三點式，Theresa 今次轉sell 40 吋白滑長腿，冧送埋低胸的唱片封面相。隨碟仲加送2 張分別為20"×30"及12"×24"的性感海報，咁蹺又響情人節前推出，唔通Theresa 想搞興一眾未有著落的電車男？
20"×30"海報 賣cute 的封面和海報雖然冇乜肉睇，但Theresa 都出盡力嘟嘴咬指。
Cute ver.EP
另一款嘟嘴露膊cute look 封面，仲送Theresa 大頭咬唇巨型海報，其實內里附送埋20"×30"Theresa 低胸搞朱古力海報（即sexy 封面造型）。
繪本
隨EP 送的繪本postcard 係Theresa 07 年出嘅畫冊其中一個公仔，再sell 才華。
靚仔神交
買碟有歌聽、有海報送，Theresa 仲有第三招，就係附送內有三首歌MV ，以及Theresa 首次用自己愛情經歷拍成20 分鐘愛情短片的DVD 。內容講佢同位互有好感嘅混血型男，獨處房間互望。Theresa 暗示呢位係圈中型男，可惜對方已離開香港，「有一次我要閉關畫畫冊時，大家機緣共處響一個房而發生，大家只係對望，感覺好sweet 。」
出賣愛情DVD Theresa 親揀混血model Li Xui 做男主角，仲響blog 上post 攬腰合照，大讚鍾意佢嘅笑容。咦，圈中型男，又去過外國，仲要係鬼鬼哋，唔通暗示陳冠希？
1 萬張 07 年推出首張個人大碟《My Cup of T 》CD ，送NDSL 殼，大賣１萬張。
1 萬5 千張 08 年《Smiling 》再嚟就送比堅尼寫真集，賣貴啲都抵啦！
1 萬本 舊年Theresa 響會展搞寫真簽名會，突然一陣怪風將條裙吹起變UFO 裙，寫真銷量又谷掂咗。
多橋妹
Cookies 散band 後今年24 歲的Theresa 於05 年作個人發展，近年轉走金髮大眼㗎妹look 大賣。原來Theresa 一向計仔多多，知情者說：「每次有新橋，Theresa都撲入老闆Paco （黃柏高）房同佢傾，次次都捉正電車仔心態，所以銷量都唔錯。」樣靚加食腦，掂硬。
