王秀琳（Mango ）前晚到銅鑼灣出席電影《華爾基利暗殺行動》（Valkyrie ）首映禮，早年Mango 拍劇時曾指尹天照鹹豬手她，還報警求助，談到近日無線的「魔術鹹豬手」抽水事件，Mango 表示有看過報道，認為任何事都有可能發生。Mango 說：「當年件事對我都好有影響，始終呢啲事女仔係蝕底啲。其實當日自己都唔想講，但俾朋友爆大鑊，其實我唔想搞大，但講出嚟都好，唔好縱容男仔。」
指舊事肉酸
為了當年的鹹豬手事件，Mango 坦言花了很長時間來淡忘，她謂當時曾有朋友不相信她，部份報道又誇張失實，她說：「有啲報道寫乜嘢霸王硬上弓，好肉酸，知道人哋唔信自己都好唔開心。」會否到現時仍憎恨尹天照？Mango 淡然說：「唔想提佢個名，唔想諗起佢。」同場的汪圓圓則透露正在蜜運中，男友是圈外人，但其胞姐汪詩詩則表示還要慢慢觀察男方。採訪、攝影：張俊銘
王秀琳直言當年鹹豬手事件對其影響極大，至今也不想提起尹天照（小圖）。
from
http://appledaily.atnext. ... art_id=12188978
