莊家彬被指左擁Mango王秀琳右抱Judy沈子妤

家族坐擁80億身家的富二代莊家彬，今年2月狠撇舊愛傅明憲後，火速已有內地女友程新惠登場，惟昨有報導圖文並茂莊家彬日前在飯局上，左擁右抱王秀琳（Mango）和今屆退選巨咪港姐36G沈子妤（Judy）。

莊家彬昨接受本報訪問，表示當晚才認識Judy：「係一個朋友聚會，明顯新聞炒作無聊，動作親密我覺得角度問題，Mango識咗好耐，搭嚇膊頭冇乜特別，Judy第一晚識，咁啱佢坐我隔籬，唔知佢係退選港姐。」是否懷疑有人放料？他說：「嗰晚大部份係我朋友，佢哋唔會，唔係咁熟就唔知。」會否覺得Judy想追自己？莊家彬向女友派定心丸：「全香港知我有女朋友，都好穩定。」對於被影到左擁右抱，他解釋：「我嗰日飲咗少少酒，嗰度有啲嘈，同我傾偈聽唔到，就喺耳邊講。」

莊家彬否認與Mango撻著，直指與女友程新惠（左二）感情穩定。資料圖片

36G退選港姐Judy出席富二代飯局，莊家彬強調當晚才認識。資料圖片
Mango：問心無愧

至於被指姣媾莊家彬的Mango，昨在電話澄清：「我絕對清白，問心無愧！」問到跟莊家彬的關係？她說：「朋友囉，講真食飯唔係男就女，總之我同家彬佢哋幾個都係朋友。」問是否認識他的女友？Mango說：「呢啲我唔講。」會否擔心被指是第三者？她說：「好無辜！真係朋友咁簡單，朋友都可以搭膊頭箒。」當晚有否飲醉？她說：「食飯飲酒好正常，但大家知大家做緊乜，只不過係角度問題。」

問現在有否拍拖？她說：「呢啲唔講，呢單係好好笑新聞，講真其實我好嬲，我覺得係某啲人想做新聞。」是否指Judy？Mandy說：「我唔知，好好哋食餐飯，無端端有人影呢啲相出嚟，會覺得早有預謀囉。」Judy則在ig留言：「讓我靜一靜。」

採訪：皓騫、唐如
from:http://hk.apple.nextmedia.com/entertainment/art/20151007/19323043

【排排坐醫肚】

莊家彬前晚同Grace食川菜，但二人沒有親密交流。

【灣仔】坐擁家族80億的莊士太子爺莊家彬今年初與9年情女友傅明憲分手後，內地新女友程新惠（Grace）火速登場，但亦冇礙他的桃花運，日前他同富二代好友去飯局，就深受王秀琳（Mango）及36G退選港姐Judy歡迎，席間打邊爐唱K密密斟，更被雜誌影到疑似左擁右抱，令他前日要澄清：「全香港都知我有女朋友。」向女友派定心丸。

【男友陪傾偈】

Grace低頭玩電話，莊家彬在旁一直陪傾偈。

【雨中找司機】

莊家彬邊打電話同司機聯絡，其間雨勢變大。

食飯期間四圍望

莊家彬前晚以實際行動證明自己名草有主，他帶Grace去灣仔吃四川菜，同行還有一名女性友人。在食肆中，莊家彬就與Grace排排坐，二人傾談不太多，加上又不是在私人房進食，沒有早前同Mango及Judy飯局中的情緒高漲，全程表現拘謹。未知莊家彬是否因早前飯局「出事」後有陰影，進食期間全程四圍望，好有警覺戒心。

三人大概10點吃完晚餐，離開時正下着毛毛雨，食飽的莊家彬不理雨勢落到大街即點「事後煙」，齊齊要行到後一條街上車。當中戴着cap帽的Grace更戴上口罩。其間，莊家彬邊開路邊打電話，似相約司機上車位，眾人最後走到附近咖啡店避雨候車，當時雨勢加大，Grace蹺埋雙手表現得不耐煩，莊家彬見狀即上前安撫女友，大概等5分鐘，莊的平治房車到，3人急急上車離開。

採訪、攝影：畢紹基、徐錦池

【狼狽避大雨】

眾人走到咖啡店門外避雨兼候車。

【急上車離開】

接送的車一到，莊家彬等人即上車離開。
from:http://hk.apple.nextmedia ... 151008/19324362

Mango昨強調當晚莊家彬只是送她返屋企，之後就離開。資料圖片
現年34歲的前歌手王秀琳（Mango）近年轉營飲食生意，因為緋聞未停過被封「集郵芒」。早前她被雜誌影到與80億太子爺莊家彬，以及多位富二、三代，包括趙式浩、廖偉麟（廖創興創辦人孫兒）相約打邊爐，被指與退選港姐Judy左右夾實莊家彬，雖然事後Mango與莊家彬暗示有人放料搞新聞，莊家彬更豪氣地謂：「全香港知我有女朋友」，惟雜誌昨日再報道「續集」，指Mango當晚坐莊家彬車走，直達對方跑馬地豪宅整晚未離開。

艷福不斷的莊家彬，最近被拍到與女友程新惠（右）去灣仔吃晚飯。

資料圖片

傅明憲與朋友去了菲律賓潛水，還興奮高舉V字手勢。互聯網圖片
同Judy劃清界線

莊家彬昨日透過電話回應事件：「我嗰晚送完Mango返屋企，因為順路、佢住香港，我住香港，佢住半山，我住山，車都冇落過，又冇去過跑馬地，就直接返屋企。」對於接連與Mango傳緋聞，莊家彬表示：「呢個世界朋友唔係男就女啦，我唔覺得有乜嘢問題。」但他卻與Judy劃清界線，表示當晚飯局後沒有跟Judy再聯絡。

Mango昨日接受《蘋果》電話訪問時則表現勞氣：「首先我想澄清一樣嘢，我同家彬真係朋友咁簡單，第二，家彬佢嗰晚送咗我返屋企，之後就走咗嘞！根本就唔係傳媒講嘅咁樣，所以呢件事作得太過份，我真係要出嚟澄清。」Mango又謂：「我間餐廳冇執笠，仲喺度㗎，我唔明點解啲傳媒作嘢要咁誇張！」她又表明今次件事明顯有人放料，認為有人想做新聞都不應影響其他人，明寸Judy是放料者。

此外，昨日是莊家彬前度傅明憲（GiGi）45歲生日，她在社交網貼了一張潛水照，原來她與大班朋友到了菲律賓潛水，還戴了cute爆Hello Kitty潛水面罩落水及高舉V字手勢。

採訪：小米、唐如
from:http://hk.apple.nextmedia ... 151014/19331954