唔知係咪冇得跟Vivian 去尼泊爾，一臉冇癮嘅倪震對記者態度依然臭寸。新正頭見佢咁嘅樣，真係大吉利是。
話說響同日（3 號）嘅傍晚，大約七點零鐘左右，記者經過金山花園附近，咁啱見到倪震一條冷挽住幾袋嘢響度踱緊返屋企，記者見係新正頭，於是走埋去諗住同佢講聲恭喜，點知呢位仁兄望吓記者，冇回應不特止，仲用對眼射吓記者，之後只係講咗一句︰你係邊間㗎？當記者報上「名」之後，佢竟然睬都唔睬就直行直過。
唉，嗰邊廂，老婆（周慧敏）要放下玉女身段，戮力為你補鑊，好話講盡，平時唔會做嘅嘢都要做埋，可惜呢邊廂嘅你冇感激老婆苦心，繼續賣臭寸。真係要問句倪先生，你幾時先識得個「人」字係點寫㗎？
