鄧麗欣與傅穎齊齊出席春茗，記者叫二人影合照，兩個人都好似借咗聾耳陳隻耳咁，唔肯行埋，各據一方。
鄧麗欣同傅穎向來都傳唔妥，上周二人出席金牌大風春茗時，仲將不和浮上面。
姊妹拉攏
楊愛瑾同吳雨霏好識做，順應記者要求，一個拉住傅穎，一個
住鄧麗欣，撮合佢哋影合照。
被迫合照
幾經辛苦將兩個被傳不和的女人拉埋一齊，不過兩個人唔傾偈之餘仲你望左時我望右，擺明冇默契。
話說二人抵達會場後，記者邀請二人影合照，但佢哋一於少理，為求唔同對方黐咁埋，實行各據一方，好姊妹楊愛瑾同吳雨霏為咗打破僵局，就一人拉一個撮合佢哋影呢張世紀合照。所謂勉強冇幸福，雖然夾硬拉到鄧麗欣同傅穎影合照，但兩個人全程冇交談又冇眼神接觸，唔使講出口，都feel 到佢哋仲未破冰。
