近日無線和亞視兩間電視台分別被揭出現鹹豬手，其實電視圈多年來也有不少疑似性騷擾事件，如陳錦鴻00年拍攝亞視劇集《電視風雲》期間，被鍾慧寧指他咬瘀其大腿及言語上性騷擾。陳錦鴻昨日在電話中說：「當年玩得太癲，係自己傷到人都唔知，現場仲有好多人，我有同鍾慧寧道歉講對唔住，佢已經接受咗我道歉，有時男藝人係要負番啲責任，我會警惕自己，不過冇性騷擾，有亞視唔會再搵我拍劇啦！」
李子奇：含冤5年
尹天照坦言被指控非禮一事，對他傷害深遠。
李子奇則於02年被劉錦玲指拍戲時摸她胸部，李子奇昨日說：「劉錦玲喺5年後幫我平反咗，不過我含冤5年，邊個賠番啲名譽畀我，因為對我好有影響，唔通摸吓胸會發達咩？咁係自毀前途。」04年被王秀琳指非禮強吻的尹天照昨日說：「件事對我有好大傷害，對演藝事業都有影響，如果我非禮就俾人拉咗啦。」至於海俊傑則於06年被一起拍攝劇集的劉綽琪和吳亭欣分別指控非禮，昨日他在電話中說：「做男藝人一定唔著數，咁點解佢哋拍緊戲時唔出聲，要個劇播出街先講？非禮係刑事點解又唔報警呢？件事對我或多或少都有影響，因為連fans 都信，當年亞視冇人幫我，仲叫我唔好出聲添。」採訪：丁寧
陳錦鴻對當年咬瘀鍾慧寧大腿一事，自言深感抱歉。
http://appledaily.atnext. ... art_id=12170979
