早前港姐面試，古靈精怪、燕瘦環肥統統齊，真係笑到碌晒地。不過，講到騎呢程度，點都唔及今年面試過班港男，油頭粉臉、禿頭、大肚腩樣樣有齊，有啲仲殘到好似幾日冇
咁款。唉，佢哋話晒都係堂堂男子漢，咁嘅款都夠膽出嚟選港男，免費娛樂大家，媽咪姐都俾個服字佢哋。
長毛梅啟明
嚟得選港男，點都要有啲勇氣嘅，但原來勇氣同厚面皮都係一線之差。呢位聲稱有嘢做而遲大到嘅男士，記者問佢有冇專長，佢居然捉住在場女記者（右）雙手大叫：「你可唔可以嫁俾我呀？我哋可夾吓㗎？」呢啲都叫專長，問你死唔死！
竹籤吳廷燁
呢位男士著住水靴出場，都算衣著出眾嘅一位。不過講到年紀，單憑佢嘅皮膚結構嚟睇，都應該唔後生咋！佢當日演奏古箏，仲有個中年男人（小圖）車佢嚟參選。睇嚟又唔似係uncle ，唔知乜關係呢呵？
裙腳海俊傑
今年有唔少學生哥參賽，不過點睇呢位搬埋阿媽出嚟嘅哥仔，都唔似學生哥呱，但就要阿媽（左）「送返學」咁。到咗落車過陣，要自己拎電子琴即刻雞手鴨腳亂晒大龍，好似弱咗啲喎！
筋肉劉浩龍
睇晒全場67位男士，呢位最大件頭，練到周身肌肉，真係大嚿到得人驚，胸肌頂上頸都唔止，又橫又厚嘅上身，起碼
到3個背囊。
油粉臉袁文杰
為咗遮醜，唔少男士選擇搽粉出場，不過天時暑熱，加上搽粉技術半桶水，統統出晒醜，當中呢位都可以叫表表者喇！喺油粉臉上再加埋畫眉同唇膏，真係趕客咋！
姣版森美
又係粉人一名嘅陳先生，除咗塊臉同條頸兩截色，一見鎂光燈，佢仲起勢擺pose ，叉腰飛吻，唔姣嘅動作佢都唔做，依家係選港男，唔係港姐喎！
道友版呂良偉
呢位瘦弱男士，雙目無神，黑眼圈大過乜，再加上骨瘦如柴，唔講以為佢幾日冇
添！
禿版周啟生
參加港男係冇年齡限制，不過整潔應該係先決條件呱，呢位打扮rock rcok 哋嘅男士，雖然有粒銷魂墨，不過佢頭上過條橋似乎搭得唔多掂喎！
