吳亭欣（中）同莊思敏（右）跟亞視男藝人周子濠（左），去沙灘打排球，臨落場，兩個女仔先搽太陽油，吳亭欣更加凸點出擊，豪放。
連場暴雨後，趁天氣放晴，暑假又未到，人少少，亞視一姐吳亭欣（Lu Lu ）跟model 莊思敏（Jacqueline ），急不及待相約壯男到淺水灣嬉水打排球。
記者發現其中一名壯男是亞視《AV 事務所》節目主持人周子濠，有AV 男傍住，兩女玩得安心又豪放，眾目睽睽下剝衫，落場搓波。
利承武之後，Lu Lu 傳出跟富家子Wyanne 張拍拖，不過卻無疾而終。
兩女在停車場當眾剝衫，周子濠即時護花，用小白毛巾遮住，雖然作用不大，不過擰歪面嘅動作，就顯出紳士風度。
換好衫，兩女先篤腸仔魚蛋醫肚，加上AV 男服侍周到，兩姊妹笑得好開心。
玩完一輪，四人仍未盡興，到附近Starbucks 飲嘢傾偈。
二人臨落沙灘，又再補搽其他部位，Lu Lu 捽胸，Jacqueline 則掃埋背脊，護膚最緊要。
Jacqueline 姿勢唔正確，周子濠即時糾正，不過靚女依然四圍望，唔夠專心。
撇低吳浩康
星期一（六月九日）下午二時，記者發現莊思敏撇低男友吳浩康，駕喺平治跑車，載住曾經跟蘭子陳道然爭奪富家子利承武的吳亭欣到淺水灣。泊低車，一早到的周子濠以及同行朋友已衝向二人打招呼。
一行四人先到附近便利店買嘢食醫肚，當日太陽雖然時有時無，不過兩女已經按捺不住，在便利店門口開始搽太陽油，待AV 男買了兩大袋食物後，四人再折返坐駕。為怕走來走去麻煩，兩女索性在車旁換衫，而AV 男亦十分識做，即時用白毛巾遮擋喺二人，脫去上衣的Lu Lu ，由於泳衣太薄，未落水已經凸點，睇頭十足。
到沙灘，兩女冇姿勢兼頻頻失波，Lu Lu 更突然揮手似跑步，連Jacqueline 都忍唔住笑。
女人貪靚，趁住周子濠入便利店買嘢食，Jacqueline 跟Lu Lu 已經開始搽太陽油。
由於曾到日本留學，周子濠早前跟何卓瑩主持亞視節目《AV 事務所》，更到日本訪問AV 女優及介紹當地內衣褲專賣店。
吳浩康06年被拍得跟Jacqueline 拍拖，自此以後，幾乎絕跡夜店，在女朋友影響下，乖咗又瘦咗。
07年初，Lu Lu 被踢爆同利承武拍拖無耐，隨即傳出蘭子介入，最後蘭子揮低情敵，奪得利承武。
搽油捽胸
脫去上衣後，兩女又再開始繼續防曬功夫，為求身體每部分都有足夠保護，Lu Lu 索性伸手入泳衣狂捽胸，之後又細心幫Jacqueline 搽背脊，還邊捽邊說：「妳唔好郁嚟郁去，唔係搽唔勻㗎。」不過Jacqueline 就依然周身郁，一味顧住笑。
三時許，四人食完魚蛋、燒賣後才施施然走落沙灘，雖然兩女著上沙灘排球褲，不過就好睇唔好打，頻頻失波，全程落力
低起身接波的Lu Lu ，更食正波餅，最後要AV 男出馬，教二人正確姿勢。
玩了大概一個鐘，四人大汗疊細汗，不過依然唔捨得走，繼續到附近的Starbucks 傾偈飲嘢。
記者事後致電吳亭欣，她表示跟莊思敏最近由朋介紹認識變成好姊妹，「我哋成日研究keep 弗心得，佢又介紹我食健康產品，我都好想好似佢身形咁弗咁健康。」
講到當日有兩名壯男陪玩，她說：「一個係ATV 同事周子濠，佢以前係排球隊成員，贏過好多比賽，佢個朋友都係排球教練，所以約埋佢哋一齊玩，有人教我哋，好過我同Jacqueline 兩個玩，笨手笨腳。」
同蘭子爭仔
現年25歲的吳亭欣（Lu Lu ）在美國UCLA 大學主修電腦工程，04年畢業後，由車淑梅提名返港參選港姐。樣甜加上身材好，當時吳亭欣被冠以翻版張柏芝，是大熱之一，並打入四強，可惜最終敗給同屆冠軍徐子珊。由於不被無線重用，約滿後她過檔亞視，公司更講明要力捧她為一姐。
身材出眾的LuLu 去年傳出與陳道然（蘭子）爭奪富家子利承武，最後由蘭子勝出。06年，參與亞視重頭劇《義無反顧》演出，拍攝被海俊傑強姦戲後，一度喊住話這場戲令她精神崩潰，又暗示被對方性騷擾，亞視新一代阿姐，新聞多多。
Lu Lu 同海俊傑拍電視劇《義無反顧》時傳出被性騷擾，連出席活動，對對方亦十分抗拒。
