電視圈鹹豬手風波越炒越熱，但因受害女藝員敢怒不敢爆，令事件變成無頭公案，所以被捲入風波的一眾男藝員包括蔡子健、馬德鐘、陳豪和吳卓羲等俱不受影響如常開工。當中蔡子健更獲無線安排參演新劇《巴不得爸爸》，飾演醫生角色奉旨檢查病人，該劇女主角胡杏兒昨表示一切以平常心看待。
自苑瓊丹早前在電台開咪大爆電視圈出現鹹豬手後，由於涉及的男、女藝員太多，事件越鬧越大，連日來多名男藝員如蔡子健、陳豪、吳卓羲和馬德鐘等被拖落水捲入風波。雖然無線對鹹豬手事件高度關注，奈何受害女藝員不願出面指證，無線根本無法處理，故內部已將事件close file 。
右起：胡杏兒、胡定欣、楊思琦和黃淑儀近日正趕拍《巴不得爸爸》，四女將與蔡子健結戲緣。資料圖片
演出劇集無數的蔡子健，早年曾與向海嵐（右一）、佘詩曼（右二）和康華合演《七姊妹》。
三劇齊發與無線尚餘一年約
蔡子健大前日曾被無線藝員部高層約見，其經理人昨日指他心情甚差。
捲入風波的馬德鐘、陳豪和吳卓羲均與無線簽了經理人合約，即所謂的無線「親生仔」，鹹豬手事件爆發後他們的工作未受影響，繼續劇接劇忙個不停。至於蔡子健的經理人是演藝事務所公司，與無線所簽的是普通藝員合約，據知他尚有約1年才約滿，故無線暫未考慮續約問題，但被捲入鹹豬手風波的他，卻無損雙方關係，近日蔡子健正趕拍無線新劇《廉政行動2009》，據知他下周會如常開工，並會客串演出潘嘉德新劇《巴不得爸爸》，同時他有份參演的《大冬瓜》也定於下月9日播出。其實《巴》劇早前已開拍，是20集輕喜劇，參演女藝員有胡杏兒、楊思琦和胡定欣等。蔡子健稍後將客串演出一個專業人士角色，據知劇集中段會有醫生及工程師等角色出現，無線原定安排他飾演醫生，原因是醫學專業名詞多，本身擁大學學歷的蔡子健記性好又口齒伶俐，由他扮演頗為適合，但最後會否調演其他專業人士角色則屬未知之數。《巴》劇監製潘嘉德昨日接受本報電話訪問時，承認會安排蔡子健參演該劇，他說：「我哋係會搵佢客串做一個專業人士角色，我之前都搵過佢拍過《歲月風雲》同《酒店風雲》，唔會有任何影響。」將夥拍蔡子健演出的胡杏兒昨日則在電話中說：「我第一套劇《錦繡良緣》同蔡子健做一對，合作過幾次，都冇嘢呀。佢多數做專業人士角色，乜嘢專業名詞都記得嘅，我都係平常心做嘢啦。」鹹豬手事件爆發後，無線台前幕後議論紛紛欲揪出真兇，杏兒則說：「受害人都冇講係邊個，唔可以冇憑冇據就話人。但我覺得女仔遇事一定要講出嚟，唔可以縱容。」
杏兒遇襲「好後悔當時冇打佢」
胡杏兒與蔡子健曾多次合作，前年更一起參與賣米慈善活動。
杏兒續說：「之前我喺大陸拍《亂世佳人》一場群戲，俾個內地臨記揸我pat pat ，當時roll 緊機，我都即刻捉住佢隻手大叫『你摸我』！後尾佢俾人掟走咗，我好後悔當時冇打佢添！女仔要保護自己，唔好因為驚而唔講，俾人侵犯會好嬲、好醜，我支持啲女仔一定要講。」杏兒又強調若不幸遇上鹹豬手，必定飛腳加雙拳侍候。另一方面，蔡子健與經理人公司已合作約10年，至今雙方關係不變，其公司發言人Melinda 昨日說：「清者自清，子健唔會再回應，無謂越描越黑。佢冇乜嘢，呢兩日都有照做運動，嚟緊仲會開新劇，但心情差就一定。唔係事實嘅嘢，對佢唔會有影響，子健都話有人受傷害應該講出嚟，千祈唔好唔出聲。」採訪：李全
蔡子健雖被捲入鹹豬手風波，但目前工作如常，稍後更獲無線安排演出新劇《巴不得爸爸》飾演醫生。《忽然1周》圖片
http://appledaily.atnext. ... art_id=12170977
