樊少皇雖然粗獷，但卻甚受女性歡迎。早前拍攝新戲時，不但被徐嬌黐到實拉住玩機動遊戲，就連徐熙媛（大S ）亦猛讚他為人溫和兼身手一流，更取笑他「鐵漢柔情」，令樊少皇尷尬得面紅耳熱。
身手不凡的樊少皇，原來他的女性緣極佳，早前在橫店拍攝《未來警察》時，便經常與徐嬌及大S 玩作一團。
尷尬面紅
已是第二次和大S 合作的少皇，笑謂雖然大S 兩次在戲中都會被他綁架，但對方不但未有因此怕了他，還經常讚他身手了得，令他一度尷尬面紅：「大S 見親我都會讚我好打，又話我好好人，所以幫我改咗個綽號叫『鐵漢柔情』，搞到我鬼死咁唔好意思。佢仲話戥我唔抵，因為成日喺戲入面要做奸角。」
徐嬌成熟
至於徐嬌，不用埋位時經常捉著少皇玩機動遊戲，樊少皇說：「因為我哋經常喺遊樂場取景，所以徐嬌成日捉咗我去玩機動遊戲。雖然佢只有十一歲，但係好成熟，就算玩到幾瘋狂，佢一埋位就即刻可以投入到角色，我覺得佢真係一個好有演戲天分嘅演員。」
少皇又表示由於當地氣溫只有零下十度左右，故此拍威
戲時一度凍至鼻水長流，認真慘情。
文：專案組
徐熙媛十分欣賞樊少皇的身手及為人，故此二人合作得非常愉快。
