喂，做戲咋，咪咁核突啦！（設計對白）
響新劇做「同志戀人」嘅喬寶寶響記招上面不停同洪天明做出曖昧動作，仲忽然一手揸洪天明個pat pat 。伍姑娘睇見都眼冤。
《珠光寶氣》全台花旦小生出動，但收視一直得嗰27 點左右，點都唔叫得做滿意。大卡士原來並非收視保證，無線又度出新計。上周三（1 月21 日），新劇《有營煮婦》造型，一線小生花旦完全欠奉，主角就由兩個老戲骨鍾景輝、李司棋擔正，之外最高人氣嗰個叫陳法拉，跟住就係伍詠薇同李思捷。
天明角色上身，係咁攬住王合喜，搞到合喜周身唔自然。
我路過嘅咋！（設計對白）
唔好誤會君如有份，佢路過同司棋姐打個招呼啫。
不過大家咪睇小呢種陣容，隨時跑出㗎。因為啲二、三線藝員仲搏命。好似當日飾演一對錯摸同志嘅洪天明、喬寶寶，就當眾摸pat 、互攬、扮啜嘴，幾咁戮力，既搞笑又搶鏡。呢啲動作，唔通林保怡同陳豪會陪你癲咩！
