胡定欣和馬國明昨日在將軍澳電視廣播城，為節目《都市閒情》擔任嘉賓，一身應節服飾的胡定欣坦言自台慶夜奪取飛躍進步女藝員獎後，工作不斷，今個農曆新年更是首次沒與家人共度。
農曆年冇假放
胡定欣說：「入行咁多年，每年農曆年我都放假，不過今年就冇停過，仲未收到媽咪嘅利是，不過忙係好事，但就唔係好慣咋。」談到牛年目標，胡定欣笑言希望步胡杏兒後塵一嚐出碟做歌手的滋味，又坦言有意食住《舞動奇跡》熱潮，與謝天華等合演一齣歌舞劇。馬國明則笑言因年紀越來越大，逗利是的數量也相對減少，他笑說：「可能啲人以為我結咗婚，所以冇派畀我，不過我開劇就會派開工利是，個銀碼冇縮水，同上年一樣。」採訪、攝影：駱華齡
胡定欣和馬國明昨日齊齊穿上過年應節服飾，擔任《都市閒情》嘉賓。
http://appledaily.atnext. ... art_id=12139349
