胡定欣買花送朋友

1^# 大中小 young 發表於 2016-2-7 20:13 發短消息

相關主題: 胡定欣

胡定欣事業愛情兩得意，除咗升格為視後，同男友陳明道（Terry）感情亦好穩定，難怪平時見到記者雞咁腳走嘅佢，前日喺跑馬地見到記者，唔單止冇走，仲主動走埋記者身邊傾偈㖭！

話說前日黃昏5點幾，胡定欣一個人喺跑馬地街市附近一個花檔揀花，除咗一大束火百合，仲揀咗一束好靚嘅玫瑰，不過佢見到有記者影相，就笑笑口咁走去同記者講，話束花係送畀朋友嘅，驚登咗出嚟就冇驚喜，所以叫記者唔好影嗰束花，臨上車前仲笑曬咁同記者拜拜㖭！

採訪、攝影：徐錦池、潘冠恩
from:http://hk.apple.nextmedia ... 160204/19477968

廷伸閱讀/相關主題推介:

相關主題:胡定欣

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-2-22 21:13 發短消息

胡定欣咀勁大紮紅玫瑰攞正牌晒命

無論你當昨日係人日定情人節都好，已經阻止唔到有拖拍嘅人以不同方式晒命。

其中大台視后胡定欣昨日就係Instagram貼咗張新相，見到咀落一大~~紮紅玫瑰度，重要佢將張相嘅焦點放喺紮花而唔係自己度，咁大家可想而知紮花有幾重要。

定欣冇講係邊個送，張相亦唔見送花人，定欣淨係得一句留言話：「Happy Valentine's Day」加咗個玫瑰花同情人拖手有心心嘅emoji，講到咁，相信大家都明啦。

到底係咪嗰個英文名叫Terry，姓陳叫明道嘅音樂人送0架？係咪唧係咪唧係咪唧？
from:http://hk.apple.nextmedia ... 160215/19491897

TOP

3^# 大中小 young 發表於 2016-2-22 21:54 發短消息

胡定欣嘆拉麵邊食邊傾

胡定欣結賬後步出食店時，跟記者揮手。

沐浴愛河的胡定欣特別容光煥發，前日下午5時許，記者在中環九如坊發現胡定欣剛拍完節目，與一位女友人在覓食，二人在附近食肆左望右望，最後決定食日本拉麵，由於發現記者拍照，定欣入店後即選了一個背向門口的座位坐，其間定欣更邊食邊傾，講足全程，友人則不停點頭回應，二人大約吃了半小時便離開，負責請客的定欣更一早攞定銀包付款，步出門後時還跟記者打招呼，然後便駕駛其白色寶馬載女友人一同離開。

採訪、攝影：徐錦池、畢紹基
from:http://hk.apple.nextmedia ... 160219/19496578

TOP

4^# 大中小 young 發表於 2016-2-22 22:24 發短消息

胡定欣唔肯黐王君馨

胡定欣、林夏薇同王君馨噚日喺將軍澳出席活動，最近有傳因為王君馨太進取，俾積怨多年嘅胡定欣同林夏薇杯葛，喺活動見林夏薇全程同胡定欣做孖公仔，不過林夏薇話：「亂講，識我嘅人都知我性格，多謝啲報道幫我哋宣傳。」佢仲話好奇怪點解有傳話王君馨跪地向佢道歉。但係話就話冇不和，不過佢哋三女影合照嗰陣，定欣擾攘咗好耐先肯影。

撰文：馮仁昭
from:http://hk.apple.nextmedia ... 160222/19500317

TOP

5^# 大中小 young 發表於 2016-3-27 01:27 發短消息

胡定欣拍拖返男友家

胡定欣前日與男友陳明道並肩返回愛巢。

胡定欣與男友陳明道（Terry）感情穩定，雖然未有婚期，但定欣每次提到男友都會sweet爆甜笑，兩人亦經常孖公仔般四圍去。前日下午約4時，定欣與男友又拍拖現身跑馬地，其間二人先到毓秀街一座大廈停車場，原來Terry座駕停泊在那裏，二人分別要在車上取回東西，Terry拿了一件黑色外套，定欣則拿了一個file，之後兩人肩並肩行到附近一座大廈，據知Terry住在上址多年，與定欣拍拖後，寡佬屋即時變愛巢，定欣為爭取與愛郎見面，經常都會登門作客。

採訪、攝影：潘冠恩、徐錦池
from:http://hk.apple.nextmedia ... 160311/19524432

TOP