洪天明和周家蔚拍拖多時但始終不肯承認，擺明要玩地下情，前晚兩人齊齊錄影《鐵甲無敵獎門人》，鏡頭前洪天明和周家蔚刻意扮生疏甚少交流，不過當洪天明被掟到成面蛋糕和甩帽甩衫時，周家蔚終按捺不住出手為男友整理，真情流露。
商天娥、唐文龍、鄭希怡、吳浩康、文頌嫻、吳嘉龍和貝安琪等，前晚到將軍澳電視廣播城錄影元宵節前播映的《鐵甲無敵獎門人》，所有嘉賓和主持以古裝或西方扮相現身，當中以洪天明和周家蔚這對情侶最搶鏡，他們以寧采臣和聶小倩的造型出現。當兩人出場時眾人把電影《倩女幽魂》的歌詞改為「禽獸類，遇到好玩港姐馬上追，難為周家蔚要睇住佢，生班仔女
實佢。」吳浩康亦被玩，被唱女友莊思敏和舊愛胡定欣傳在電梯內嗌交一事，令他十分尷尬。
鄭希怡成面髮菜，唐文龍立即上前為她清理，大獻殷勤。
左起：曾志偉、錢嘉樂及王祖藍齊齊以鬼馬古裝出現，相當生鬼。
「緋聞唔係嗱嚟玩」
鄭希怡玩遊戲時弄到成面髮菜，難得她毫不介意。
一直不肯承認戀情的洪天明和周家蔚明顯在鏡頭前扮生疏，甚少傾談，反而洪天明和緋聞女友貝安琪卻雞啄唔斷，但當洪天明玩遊戲時搞到滿面蛋糕又甩帽甩衫時，周家蔚終表露女友身份，上前為男友整理，表現細心。錄影前問周家蔚會否擔心被玩？她笑說：「預咗，冇所謂，我想嚟贏部車。」會否叫洪天明擋駕免被糟質？周家蔚表示沒有叫他幫忙，她說：「緋聞呢啲唔係嗱嚟玩，唔可以玩㗎。」記者提議兩人公開玩真戀情，周家蔚則笑而不答。至於洪天明則笑言：「梗係會頂，我哋係拍檔，大家都想贏部車。」而離開無線返內地發展的唐文龍則表示現時自己單身。採訪：何慧斯攝影：仇志德
周家蔚見男友洪天明玩到甩帽，立即上前為他整理。
http://appledaily.atnext. ... art_id=12135422
