謝安琪橫掃樂壇多個獎項後，最近殺入電影圈爭飯碗，並輕易地搶去電影《保持愛你》宣傳海報最有利位置，繼容祖兒後，再向鄧麗欣（Stephy ）和楊愛瑾（Miki ）逼埋身，不過Stephy 聲言無懼受威脅，反讚謝安琪有潛質，歡迎她加入新血不足的影壇，實行先禮後兵。
鄧麗欣、謝安琪、楊愛瑾、側田、G.E.M.鄧紫棋和唐素琪等，昨日在荃灣出席「保持愛你電影預告片首播會」活動。謝安琪挾著最近在樂壇的理想成績，連金牌大風都要將自己人Miki 和Stephy 歸次，電影宣傳重點放在她身上，就連最簡單的宣傳海報也以謝安琪為主。
Miki 縮細感無奈
對於謝安琪由樂壇踩入影圈爭飯食，Stephy 大方說：「角色需要至搵佢（指謝安琪）做，唔怕受威脅，影圈咁少人，尤其係女仔，有新嘗試都好，海報變大頭都係好事，唔好冷落佢，佢有潛質，做戲好自然，完全唔怯場。」至於Miki 更越縮越細，她無奈地說：「隨緣啦，唔一定要排前面，戲好就OK 。」謝安琪就簡單回應說：「係咩？我冇咁諗。」
鄧麗欣有fans 捧場，心情靚爆。
電影《保持愛你》晒冷宣傳造勢，身後的海報可以看到謝安琪的大頭照。
拒與AV 女優掛鉤
（左起）楊愛瑾、鄧麗欣好姊妹眼光一致，明顯與謝安琪貌合神離。
此外，有翻版Stephy 之稱的AV 女優吉
明步，將來港拍3D 立體三級片《肉蒲團》，Stephy 聞言即反駁指自己樣貌與AV 女不相似，她說：「我覺得唔似，大家路線又唔同，我做唔到佢過行，拍唔到佢嘅片。」另有報道指Stephy 疑似整了容，她否認說：「好笑，我根本冇整，五官全天然，咁講我都開心㗎，證明我靚咗。」採訪：魯萍 攝影：陳俊強
謝安琪人紅身體好，天氣稍暖即以背心示人。
http://appledaily.atnext. ... art_id=12122651
