有傳言話，關心妍（Jade ）之所以響《勁歌》嗱到金曲獎，係因為TVB 要向BMA 為周麗淇事件補鑊。事實上，大家又唔可以抹殺阿Jade 本身嘅努力——搞關係。
阿Jade 唔係《勁歌》常客，但同崔建邦就似乎好熟絡，咬耳仔咬到嘻哈大笑，仲出手輕拍邦邦。因住陳總唔鍾意呀！
到ending 時，阿Jade 仍然黐實崔建邦。
上周三（1 月14 日），阿Jade 都有份演出《勁歌金曲》，只見佢未埋位時，猛拉住崔建邦吹水，仲講到手舞足蹈，
到崔建邦嘻哈大笑。但對另一主持人胡蓓蔚呢，就傾唔夠三句偈。梗係啦，依家邊個係陳志雲嘅愛將先！
