張學友、鄭欣宜和王祖藍前晚到MCL 將軍澳戲院，出席開幕典禮以及《超級零零狗》首映禮。張學友強調自己投資方面是有損手，但他不知損失的實質數字，他指自己投資的基金相當穩陣，但復出不是為了撲水。
金融海嘯席捲全球，就連歌神張學友都成為雷曼苦主之一，有指他慘蝕4,000萬，故09年要全面復出拍戲、出碟及登台撲水。學友前晚與鄭欣宜和王祖藍到將軍澳出席3D 動畫《超級零零狗》（Bolt ）首映禮，學友為復出撲水一事作澄清，他說：「我冇一條實數蝕咗幾多，總之唔係全副身家，只係一部份，全世界投資嘅人都有影響，唔係得我一個。我係買基金，唔郁佢都好放心嘅，除非啲公司執晒笠啦。」
「蝕就個個都蝕」
學友表示不知自己在金融海嘯中輸了幾多錢。
學友又指今年復出不是為撲水，表示工作不是全部為錢，他說：「我做嘢唔係因為錢，呢啲工作係計劃之內。」再問學友投資損手，會否封利是都少了？他說：「利是都係咁多，唔會多唔會少，報道話我蝕錢唔係假，但撲水就唔係真，蝕就個個都蝕，我唔會唔開心。」此外，欣宜透露與學友合唱電影主題曲，感到很榮幸，她透露見到學友緊張到出汗。早前有報道指欣宜與劉家昌不和，故缺席對方新碟記者會，她解釋說：「劉老師冇手提電話，每次都係甄珍搵我，大家都知大家忙，老師唔係一個小器嘅人。」
欣宜食齋悼肥姐
欣宜強調並非與劉家昌（小圖）不和。
下月19日是沈殿霞逝世一周年，欣宜表示由於有工作在身，未能返加拿大拜祭媽咪，她說：「我當日會食齋同埋喺屋企悼念佢，媽咪畀我嘅感覺仲好近，我有時諗起都會喊，不過唔會好似之前喊得咁犀利。」欣宜又透露九龍塘的寓所已賣出。採訪：何永寧 攝影：黃偉雄
全面復出的張學友（右二），前晚與欣宜（中）和王祖藍（左二）宣傳他們配音的動畫電影。
http://appledaily.atnext. ... art_id=12118183
