■平日靠電話及視頻維繫父女情。透過講湊女經，才發現原來劉錫明由營養學到測八字無一不精。
提到劉錫明，大家即時諗起新婚燕爾的周慧敏和倪震。但其實在劉錫明心目中，影響他最大的是──他自言被這個人「食住」，因為內地台灣兩邊走，一個月才見得一、兩次，見到了，就只會錫不會罵。往事重提賣弄玄虛，統統多餘，這個人其實呼之欲出──6 歲的女兒安晴。好一個安然自若雨後放晴的名字！
記者：林佩婷
攝影：伍慶泉
場地提供：Chez Les Copains （2243 1918 ）
畫畫是安晴的最愛，自小具天份。
1 歲離家出走安晴，感覺好溫室，竟離奇地1 歲識執埋心愛玩具離家出走！「當時佢玩緊，太太畀支奶佢自己飲，點知佢邊玩邊飲到成地係，太太一出嚟見到就話囡囡，但安晴嗰陣仲未識答嘴，於是追住媽咪扭抱抱。太太就同佢玩扮唔俾佢追。走咗一輪發現後面無晒聲，轉個頭見佢拎住大佢成個身位嘅玩具袋，跟住將鍾意嘅玩具放晒入去，經過電視櫃時，順手拎埋放喺隔籬有我嗰兩個相架，走去大門又唔夠力開，係咁而而哦哦望住太太叫佢開門，嗰刻真係笑死我太太！」
憂鬱的結他手
營火晚會
■囡囡最愛食粟米。
7 個月識叫爸爸1 歲就識得出走，確實精靈。錫明話好可能是從媽咪懷孕開始，兩夫婦就實行營養吸收及胎教有關。不講不知，原來劉錫明曾修讀營養學，太太懷孕時即大派用場。「我畀太太食螺旋藻、魚湯、維他命C 同E 等，仲有每日一小匙燕窩。其實燕窩唔係一次食一大碗就好，最緊要連續食，6 個月左右就食芝麻糊。記得陀咗4 個月第一次去照超聲波，睇到佢手腳係咁郁好活躍。到出世護士從遠處抱佢過嚟嗰陣，我只見到一大笪黑色陰影，行近先知原來係我個女嘅頭髮，好似爆炸妝咁。佢7 個月大就識叫爸爸，8 個月叫媽媽。」
■台灣有句話指6 歲前不要帶孩子出遠門免煩，故錫明暫只帶女兒去香港
士尼。
新西蘭精讀遊「早熟」的安晴，歲幾就在台灣上託兒所，2 歲去新西蘭讀Pre-School 。「我哋有親戚喺新西蘭，想培養佢從細開始適應唔同地方同事物，基本上每一至兩年，我就會趁假期帶佢去新西蘭上堂邊讀邊玩，效果非常好。」說到課外活動，劉錫明話畀囡囡學的，都是她喜歡的。「囡囡細個就好鍾意跳舞同畫畫，而家學緊油畫。佢又好鍾意睇卡通片，有時跟住嘅日文卡通主題曲唱，我見佢有天份就畀佢學日文。不過我曾經畀佢學台灣好流行嘅珠算，點知喊晒唔想返，我哋都無逼佢。所以有人話學多嘅嘢無蝕底，但計我話若果小朋友唔鍾意，點逼都無用。」
■待女兒大點可能安排她返港學廣東話。
■安晴就讀的小學，錫明及馬英九太太都是畢業生。
後記：名字有玄機我認，引文的「安然」「放晴」是小記就「毒瘤」的想當然附會之說，劉錫明的話才是正版：「其實我學咗八字20 幾年，佢出世嗰日有毛毛雨，我計過佢八字缺火，所以畀番個『日』佢，因為日為陽火，希望佢身體好同開朗，亦寓意每日見青天。至於『安』字，『
』代表家，即指女兒在家內好安逸。」人家早說往事如煙，親訪後真的信了。
