劉錫明多年前接受車淑梅電台節目電話訪問時，因表示欣賞周慧敏（Vivian ），結果被倪震起花名「毒瘤明」抹黑唱衰3年。日前劉錫明再次接受車淑梅訪問時，提到被倪震起花名一事，他說：「當年喺街有人咁叫我都好hurt ，我過時好唔開心想休息吓，之後就去咗台灣發展。」車淑梅則在訪問中自爆當年倪震曾致電要求她不要播出劉錫明的訪問，事後其上司認為有人不應干涉新聞自由，故將訪問播了兩次，劉錫明表示完全不知此事。
勸張茆勤力讀書
對於倪震早前向他道歉，劉錫明欣然接受，他說：「我見到佢會同佢say hi ，我到而家都好欣賞Vivian ，佢好nice 。其實結婚係兩個人嘅事，我想送《怕老婆會發達》呢首歌畀倪震。」此外，劉錫明昨晚到香港仔出席港台頒獎禮，得悉張茆已返城大上課後，他說：「咁就好喇，最緊要皆大歡喜，個個都行返原本嘅路。叫佢畀心機讀書啦，我諗成件事對佢個人成長有好大幫助。」撰文：林妃
劉錫明日前接受電台訪問時，再次對新婚的倪震和周慧敏送上祝福。資料圖片from
http://appledaily.atnext. ... art_id=12102939
