吳君如自92年夥拍張國榮及周星馳拍攝賀歲片《家有囍事》，相隔17年再出山拍《家有囍事2009》，甫放下電影工作，君如便
身奮力造人，希望再「家有囍事」，她說：「我人生最大嘅事業係啲仔女……，醫生話我呢個年紀，要有BB 只係得百分之5嘅機會。」
吳君如在92年與張國榮、周星馳及張曼玉等巨星合作拍攝的賀歲片《家有囍事》，令觀眾津津樂道，當年更收近半億票房，打破當時香港票房紀錄，17年後再披甲上陣，改與古天樂及鄭中基拍檔演《家有囍事2009》。君如回想，自首齣《家有囍事》在92年拍攝，已經十多年沒有再拍賀歲片，對於今集演員與上集相比，君如說：「最大嘅分別係當年廿幾，而家變40幾，個男主角仲後生過我，不過人係向前望，唔覺得需要緬懷。」
君如雖然與陳可辛沒有正式結婚，但她直言家人已當二人是夫妻。 資料圖片
君如與老公雖然各有各忙，但也不忘抽空帶囡囡行街買玩具。 資料圖片
票房重要過獎
雖然口說不緬懷當年與一眾巨星合作，但君如也忍不住說：「當年成班演員唔止一班，簡直係超班，個個埋位好似玩，但係個個都有火花，大家好有默契。」君如指香港現時亦有很多出色演員，如搞笑能手古天樂、鄭中基，但卻缺乏獨當一面的巨星，她說：「而家巿場唔同以前，一齣戲要好豐富同好多卡士吸引觀眾。」近年產量極少的君如笑言：「我老公都有叫我出番嚟拍戲，做多啲演員，佢都有畀過劇本我睇，但唔係所有劇本都岩。」對於早前陳可辛提議君如拍裸片，君如大笑說：「我喺屋企都好少上演，淨係自己沖涼先有露點，成個月得過兩晚咩嘢咋！」君如表示現在選擇角色，奪獎機會及薪酬高低不是她的首要考慮，她希望接拍的電影能賣座比一切更重要，她說：「套戲唔賣座，講乜都冇用！票房緊要啲。」君如雖然與陳可辛還未有一紙婚書，但她指生活與兩夫妻無異，她說：「我個女而家2歲半，喺佢兩歲生日時，我哋喺泰國擺咗酒，大家親戚都覺得我哋係夫妻。我同長毛其實好想籌劃一個有美好回憶嘅婚禮，但係仲未諗到，而且，最特別嘅不丹、菲律賓都俾人諗咗，我又冇石澳豪華大宅，可能我哋突然簽咗紙話畀大家聽，又或者個女識問我哋嘅夫妻關係時，咁咪結咋。」
92年的《家有囍事》陣容強勁，各人都能獨當一面。 劇照
今次演《家有囍事2009》君如再扮醜女亮相，更與父親夏春秋演父女。 劇照
最後兩年衝刺
現年43歲的君如坦言很珍惜時間努力造人，希望有多幾個成員，湊成個熱鬧家庭，她笑說：「我一路都有搞，冇停止過，但係我哋唔係新婚夫婦，冇過種激情，有時食飽都眼
，大家又忙，一個月得過兩日。我都有睇醫生，醫生話我呢個年紀，要有BB 只係得百分之五嘅機會率，45歲已經係極限。我人生最大嘅事業係仔女，生咗之後，啲母性就出嚟。」撰文：張俊銘攝影：仇志德場地：MEGU Modern Japanese Cuisine服裝：Valentino髮型：Cliff Lam化妝：Midco Chu
近日君如主要做主持工作，包括於商台與王貽興主持《嘩！嘩！嘩！打到嚟！》及無線的《星星同學會》節目（右圖）。
生了乖女陳是知之後，吳君如自言母愛氾濫想生多幾個。
近年產量極少的君如表示選劇本最重要是看賣座，奪獎機會及薪酬等並非其首要考慮。
from
http://appledaily.atnext. ... art_id=12098126
