大戰15小時9/1 1:00pm 買完12片裝避孕套上樓纏綿足足15粒鐘，卓韻芝才與男友M.J.雙雙帶喺倦容步出寓所。
出名敢愛敢恨，甚至曾經自殺，死都夠膽的才女卓韻芝，辭去商台DJ 工作後大半年，近日為個人藝術企劃《Born To Be A Witness 》再度活躍，還頻上舊主商台節目接受訪問。一向愛情大過天、快30歲的阿芝今次難掩喜悅，對住「三姑」吳君如自爆拍拖兩個月，語出驚人：「第一次見佢就想舔佢隻眼！」，不過死唔肯開估新任男友真正身份。
原來，引到阿芝想舔的，係hit 爆新組合Mr.的結他手M.J.（譚傑明），本刊上週更拍得這位細阿芝近3年、唔算有錢的窮band 仔，在阿芝家急腳落街，買12片裝超薄避孕套上樓激戰。
烈女愛band 仔，愛到底！
想舔佢隻眼！真實對白 Band 仔男友畫眼線visual rock 打扮，不過「三白眼」又黑眼圈，阿芝都咁想舔，情人眼里特別唔同！
8/1 8:20pm 先回到家的阿芝拿喺大袋衣物下樓乾洗，然後靜待男友返歸。
10:40pm 9:30pm 已經回到阿芝寓所，大概緊急關頭發現沒有避孕套存貨，M.J.一個急步往便利店補倉，左揀右揀，最後買下杜蕾斯12片超薄裝。
10:43pm 前後三分鐘，M.J.補完倉極速回阿芝寓所。
11:30pm 補完倉後，接近一小時，脫去外套的M.J.（右）在阿芝書房出現。
上週四（8日），冇做DJ 半年的卓韻芝，重返903，任《嘩！嘩！嘩！打到嚟！》節目做嘉賓，宣布又有拖拍，直認姊弟戀大2歲，又主動示好追求：「我第一次見佢，就想舔佢隻眼啦！」主持吳君如和王貽興再三追問，阿芝都唔肯公開新男友身份，只說對方是玩結他的音樂人。原來，阿芝口中的結他音樂人，正是08年出道極速上位的組合Mr.成員M.J.，拍拖兩個月，正值熱戀期的二人，連日來幾乎日日在阿芝家中黐到實。
12個超薄裝
在節目錄音期間，被吳君如踢爆，把男友相片設為電話wallpaper 的阿芝，不斷肉緊咀電話屏幕，還笑言要君如早嘅放自己走：「我真係好掛住條仔呀！」原來這晚阿芝真係約咗男友激戰。
當天下午，一錄完節目，阿芝就一支箭回到九龍城寓所，靜待男友返歸。直到晚上九時半，M.J.終於到達香閨，不到一粒鐘，又兩手空空獨自離開阿芝寓所。記者尾隨，發現M.J.走到附近便利店，拿出一百元，左挑右選買下收銀櫃位下的12片超薄裝避孕套。
去年9月26日，阿芝在網誌中讚Mr.是一隊很好的樂隊，據悉當時二人剛剛相識。
千萬小富婆
卓韻芝計劃4月去美國讀書，自爆銀行戶口起碼要有數十萬存款及數十萬生活費，22歲已擁有當時市值過千萬的兩個物業，其中一層去年三月售出賺163萬，目前仍持有市值約390萬的何文田雅麗居單位（當年買入價330萬）。不過阿芝現卻以每月2萬2元租住九龍城玉華大廈（見圖）。
首張EP 銷量唔差，賣近5千。
「叱
」當晚宣布Mr.嗱銀獎，坐在前老細俞琤（右）旁的阿芝，戥男友開心，仲在後台感動到喊。
Mr.出現，餓本地樂隊很久的網民即留言大讚。
女有計
去年11月正式由樂壇校長譚詠麟出面力撐出碟，再佔據2星期HMV 銷量榜第一位，年初仲嗱埋「叱
樂壇生力軍組合銀獎」，Mr.順利上位。
Mr.五子，冇一個出自名門貴族，全部屋
仔出身。主音Alan 靚聲似Eason 、鼓手Tom 最cute 樣、低音結他手Dash 係樂隊代言人、結他手Ronny 仲混血鬼鬼哋又似范逸臣引死女，惟獨punk 味十足、最少嘢講更貪靚到畫眼線嘅M.J.最唔起眼，偏偏吸引到阿芝。
不過Mr.諗頭多多，首創「Mr.熱線69922113」，以接收SMS 為主，原意是互動性質，但本刊記者曾嘗試SMS 聯絡，就遲遲未獲回覆囉。
攬 10/1 12:10am 食完日本自助餐，剛過12點，踏入M.J.27歲生日，阿芝當眾與男友舌戰賀牛一，在銅鑼灣大街當眾大嗌：「生日快樂！」
啜
扯 眾人在街頭來支飯後煙，M.J.還與女友共食一支煙。
拖 其後，一行人再步行至皇室堡唱K 為M.J.賀生日，阿芝一路上與M.J.十指緊扣，相當肉緊。
唔算高大威猛，身形瘦削的乾柴M.J.遇上烈火卓韻芝，才發現家中沒有避孕套存貨，極速補給貨源救火。這一夜，家住附近（土瓜灣九龍城道）的M.J.索性徹夜留在女友家，激戰一晚，直到翌日下午一點，記者才見二人出門。
藝術展After Party 於凌晨兩點散band ，阿芝與男友意猶未盡去茶餐廳醫肚吹水，電視播出Mr.MV ，阿芝更興奮拍手。
牛頭角街頭內衣騷
多星撐辭任DJ 後，卓韻芝往美國讀書未落實，最新力作則是於中環九如坊的藝術企劃《Born To A Waitness 》，在香港各個代表性地方留影，再輯成書。首日開展，圈中好友鄭秀文、古天樂、俞琤等亦到場支持。悉心籌備兩個月，又粉墨登場的藝術企劃開展當日，正是M.J.27歲生日，又會咁岩。
M.J.與鼓手隊友Tom 共住土瓜灣九龍城道的7層唐樓，相當草根。
主動出招曾與幕後音樂人陳輝陽拍拖，之後又戀上金融才俊Joey 的卓韻芝，指現任男友是歷任最佳：「而家呢個，咪拍咗拖兩個幾月囉……你哋信我啦，呢個我真係特別鍾意，佢真係好好，所有嘢都好好，佢個人好純粹，我覺得呢段感情會last 到好耐……好正，信我啦！」
口中讚爆男友，其實，雖然對方人氣夠多女
，又在元旦日舉行的「叱
頒獎禮」獲得08年度「生力軍組合銀獎」，Mr.五子始終是band 仔，夾band 前任產品設計員的M.J.其貌不揚又收入有限，比起做足14年紅DJ 、寫書寫劇本創意無限的卓韻芝，經濟能力絕對差一大截。
據知情人士透露，戀愛大過天嘅阿芝唔介意主動出擊：「阿芝份人好怪，愈估佢唔到愈岩，次次拍拖都係佢主動示愛。佢同M.J.喺兩個月前搞《Born To Be A Witness 》識，朱薰介紹（DJ 朱薰男友阿榮亦是Mr.成員Dash 的孖生細佬），阿芝主動約M.J.，狂玩MSN ，M.J.對佢都有意思，咪撻喺囉！」
「唔介意對方窮！」週日（11日），卓韻芝以講者身份出席太古坊舉行的Vivienne Westwood 時裝展覽的講座，與設計學院學生暢談自身的創作態度。人逢喜事精神爽，阿芝講座過後留守場地為擁躉簽名合照，對記者問起新戀情，亦忍不住風騷甜笑。
F ：《FACE 》 卓：卓韻芝
F ：恭喜晒呀，阿芝，有新戀情！
卓：吓？咩事呀？
F ：你話自己拍拖好sweet 呀嘛！
卓：咩呀！（其間阿芝粉絲亦插嘴說撞過偶像拍拖）乜你哋都唔幫我……唉，你哋畀我靜靜哋啦！
F ：點解呢個咁激，第一次見到就想舔眼？
卓：感覺囉，唔同人畀我唔同感覺，呢個係眼！
F ：呢個男朋友係Mr.結他手喎？
卓：（甜笑）……佢幕後㗎……係呀，M 字頭……Marc Jacobs 呀？你哋唔好「揚」啦，唔「揚」我哋就好好㗎啦！
F ：但係M.J.仲係新人，搵唔到錢喎！
卓：有乜所謂？我不嬲都唔理人哋有冇錢，鍾意咪得囉！
F ：咁你話鍾意起上嚟，連前男友召妓都唔介意？
卓：冇計㗎！You don't know people ……you don't know man ……
凡事講感覺，鍾意起上嚟有fun 就得，就係卓韻芝囉！
夠膽死
烈女乜都激
14歲已經在商台做兼職DJ 的卓韻芝，入行至今15年，一向不論創作、言語以及衣喺風格都大膽又標奇立異，語不驚人誓不休。29年以來，最激事例，非06年10月18日，因為憶起亡母，在家中吞20粒安眠藥自殺莫屬。事隔兩年多，卓韻芝最近才在週刊訪問中透露以酒送藥，再飲煙頭水的自殺詳情。去年6月，阿芝失驚無神辭去DJ 工作，預計今年4月到紐約讀Fine Art ，真係好藝術喎！不過阿芝同M.J.到時拍拖5個月已分隔兩地，她卻有信心說：「我會keep 到遙距愛情。」
14歲阿芝《蘋果日報》圖片
豪語錄
「我唔鍾意靚仔，更加憎人乾淨整齊。」
「我鍾意主動追人，而家呢個開頭以為又係一個普通朋友，到第二、三次，已經好驚，佢做乜唔打畀我。我咪招招……自己出招囉……直接講喂，我鍾意你喎，不如你試吓我啦。」
「試過之前個男朋友打畀我話佢召妓，我問佢個女仔靚唔靚，唔靚我咪嬲一晚咁多囉……唔係點啫，唔通嬲一世咩？總好過變心呀！」。
