上年年尾有人以電郵告密指胡定欣會派人強姦莊思敏，嚇得伊人花容失色。昨日兩人首度同場於婚紗展上亮相，莊思敏以一副勝利者姿態，甜笑談及情人節與吳浩康（Deep）浪漫度過；而胡定欣則全程「倔擂槌」說不重視情人節。
莊思敏早年曾被指是第三者，介入吳浩康與胡定欣的感情，並搶灘成功覓得愛郎歸，繼而殺出強姦莊思敏的電郵，胡定欣回應乃遭人整蠱。昨日兩人齊齊亮相於會展舉行的婚紗展上，莊思敏於四時為法國婚紗行騷，行騷期間胡定欣經過，表示五時為夢娜麗莎擔任模特兒，兩人同在會場卻緣慳一面。
台上碰面尷尬
莊思敏行完騷後表示知道胡定欣亦在場內，她說：「大家雖然行兩間唔同婚紗店，但係同一個集團，我之前綵排時都遠遠見到佢，工作人員亦有同我講過。（會否尷尬？）唔會，又唔係同台，同台就會有點尷尬，但都會接呢個工作，我做自己嘢。（會否打招呼？）我唔會刻意say hi，都唔識佢。」問到情人節與吳浩康如何度過時，她即甜絲絲地說：「一齊去街，但無刻意安排燭光晚餐，大家都送咗啲好有心思嘅飾物。今年係我哋拍拖第一次過情人節，因為我患重感冒，所以無乜特別慶祝。」
自爆有追求者
另一邊廂，胡定欣被問到知否莊思敏在場內時，即顯得有點反感，並「倔擂槌」說：「我唔知，只知自己行咋。（見到面會否打招呼？）我嚟做嘢咋。」至於若同台會否不接這工作，她即表示所有工作交由經理人處理，她只收通告。被問到情人節點過，她說：「好開心情人節同一班好朋友食飯加拜年。（第一年無情人度過？）由細到大好多年都無，呢個節日我唔重視。（Deep與莊思敏過？）呢啲問題我唔識答。」另外她又謂有追求者，當中不乏心水人士，她說：「不過自己忙拍劇，無時間發展，但都有聯絡，希望下年情人節會有情人一齊過啦。」
如果您喜歡這篇文章，請按「讚」或分享給您的朋友，以示鼓勵。
