無線總經理陳志雲和亞視執行主席張永霖昨分別率領藝人參與公益金百萬行，亞視派出的藝員雖然孤軍力弱，全憑張永霖懂得宣傳之道，主動跟傳媒打牙骱，滔滔不絕，更錫了鮑起靜一啖搶風頭，令向來風頭甚勁的陳志雲遇上勁敵，甘拜下風，他更笑說：「我向來都唔係好掂，今日冇功課交。」
公益金「港島、九龍區百萬行」昨日在香港大球場舉行啟步儀式，各大電子傳媒均派出代表參與，無線勝在藝員大晒冷，總經理陳志雲帶領藝員關菊英、楊思琦、徐子珊、薛家燕、黃宗澤及馬國明等亮相，亞視則由執行主席張永霖率軍，派出旗下藝人呂晶晶、張文慈及萬綺雯等人到來，兩大高層碰面後隨即合照握手，表示友好。
《無線人多贏氣勢》無線參加百萬行的隊伍一如往年，人多勢眾。
《亞視奇招博宣傳》張永霖昨日首次帶領亞視藝人參加百萬行，爭取曝光機會。
自動爆料講唔停
張永霖當眾錫出爐影后鮑姐一啖，成功吸引注意力。
張永霖04年曾任港姐評判，亞軍朱慧敏被指與張永霖有非直系親屬關係，而湊巧昨日04年港姐冠軍徐子珊在場，徐子珊表示感激當年張永霖選她，張永霖獲悉後即笑說：「你哋提我邊個係徐子珊，我驚我唔認得。」自從張永霖入主亞視後風波隨之而來，令亞視見報率激增，昨日張永霖不放過為亞視爭取曝光機會，接受傳媒訪問時表現風騷說：「等我爆啲料畀大家聽。」他被追問到04年為港姐任評判之事時，他說：「當年徐子珊係冠軍，但我對吳亭欣比較有印象，係我當年三甲人選之一。」不過吳亭欣因與顧美華妹夫馮潮澤屢傳緋聞而被亞視雪藏，張永霖自爆與顧美華是好友，但公私分明，不會追問有關的事，他只拋下一句：「佢咁大人大姐，成年人責任自負，我唔評論藝人感情問題，加上千祈唔好判人死刑，而家係咁唔代表將來都係，所以冇話雪唔雪藏。」其後張永霖又透過亞視安排即場獻花給剛獲得香港電影評論學會最佳女主角的鮑起靜，還主動風騷地說：「我錫鮑姐一啖好唔好？」然後一啖錫落去，再次吸引傳媒注視，風頭立見高下。另外，張永霖又表示本年度亞視很大可能有兩個選美，分別是08年度亞姐重選及09年度亞姐競選。
遇勁敵甘拜下風
陳志雲為無線效力向來在幕前身先士卒，昨日見狀只得甘拜下風，被記者取笑有勁敵時，他笑說：「我向來都唔係好掂，今日冇功課交。」對於亞視選美投票賽制，他說：「唔太清楚佢哋機制，但今次件事都惹來大家討論，關於選美以投票評分無線都有研究過，但技術上研究唔到。」採訪：何慧詩、卓寶花攝影：仇志德
張永霖和陳志雲碰面時握手，以示友好。
from
http://appledaily.atnext. ... art_id=12077311
