卓韻芝喜歡「點睛」，被問到為何在上眼皮畫兩個黑點時，她笑著說：「Just to make life funnier.」簡直是她本人最好的slogan 。她是14歲出道的商台名DJ ，是芝See 菇Bi 和苦榮的創作人，也是《初戀
喳麵》、《20，30，40》、《出埃及記》等電影的編劇。06年她自殺未遂，為才女生涯寫下陰霾而戲劇性的一頁。她說自己一直是「過份老定的樂觀主義者」，據採訪所得，是真的。撰文：田江雁
卓韻芝冇時停，面對鏡頭，每個shot 她都樂於擺出不同的動作神態；對於創作，她說：「好麻煩，天生唔諗嘢唔安樂。」或許這也是迫出來的，正如阿芝所言，當年在商台日日做節目要迫住諗一些角度，圍在身邊的有陳輝虹、郭啟華、黃偉文、林海峰等，如此環境自然要努力訓練自己諗得更多。
衝出奴性困局
卓韻芝表示離開商台大半年，生活及工作更充實，對於即將舉行的展覽充滿憧憬。
正因為多思考，才發現香港人出現的困局，阿芝說：「而家香港嘅音樂好大鑊，佢表現咗香港人最保守嘅一面，大家又唔去前衞啲，可以有幾rock 呢？有幾多alternative 呢？最慘都唔係香港有幾多音樂variety ，而係香港嘅pop song ，最主流嘅出現問題。當你聽到一啲而家所謂最hit 嘅、大家去卡拉OK 唱嘅歌，你會聽到情緒好苦澀、大家揸住咪鬥嗌、唔理歌詞唔睇畫面鬥長氣鬥難唱、好勞動好奴隸，嗌到喉嚨爆晒我就返屋企
覺，第二日再嗌過，音樂唔係咁㗎。唱歌係一種感情抒發嘅需求，以前嘅人求雨有收穫，開心就唱歌，或者失落就唱blues ，音樂有好多面體。但香港只得一種：奴性：你撇我、我撇你、冇所謂、又OK 、我爭氣……全部都係咁嘅時候，做乜嘢啫你哋？」拒絕奴性的音樂，對愛情阿芝亦如是：「同Joey （前男友Joey Chan ）已經分開，大家各自有新伴侶。我嘅新戀情非常之好，我非常愛佢。其實唔好當你份感情生活係份工咋。想搵個有錢人，咁其實想搵錢你可以返工；又想搵個照顧你嘅人，咁其實想俾人照顧你可以搵個看護。唔好調亂呢啲嘢：拍拖係快樂㗎咋，that\'s all about it 。佢乜都冇我又乜都冇，都冇所謂。最鍾意呢啲，冇包袱。」
「唔好玩咪返嚟」
對樂壇、對愛情、對藝術阿芝有很多意見。或許諗嘢還是其次，行動才最實際，因此她離開工作了15年的商台，先炮製「Born To Be a Witness 」藝術展覽，稍後更會到紐約讀書，聲稱是為了學習未嘗有過的表達方法。說實在，阿芝做過DJ 、導演、編劇、演員、主持、作家……或許大家可以想到的表達方法，她大部份都試過，但阿芝就是覺得還不夠。就這樣走出去，有沒有擔心？阿芝輕鬆地說：「讀書is all about experience ，有冇完成張cert 有乜所謂啫。讀一年，好玩咪留，唔好玩咪返嚟，我唔使完成個bachelor degree ，紙嚟咋嘛。」灑脫如她，對最後一個問題「離開商台去讀書、做art ，有冇動搖過？」的答案，自然很「卓韻芝」：「零啊，一刻都冇，都唔知幾開心。做埋啲無聊嘢係最開心㗎啦。喺香港，好多嘢你真係要紮實個馬，係，我係想做，你要抵得住。」卓韻芝，真的抵得住。
阿芝主題展覽下周開幕
卓韻芝（左）表示展覽選用藥材做首飾原來十分困難，用過的鍍金水更要全部棄掉。
卓韻芝離開商台前已開始努力的大project 終於完成，下周六（10日）起更於上環九如坊舉行為期兩周的「Born To Be A Witness 」展覽，今次阿芝聯同各路猛人合作，以三個方向作主題，包括於香港景點扮遊人重拍照片的攝影藝術、在不同場所曬棉胎的公共空間藝術以及用藥材鍍金製成的首飾設計藝術。
鍍金水大犧牲
談到過程中的困難，阿芝坦言是首飾設計一環，要將有機物變成首飾，並非想像中容易，鍍金師傅指要將有機草藥變成首飾並非難事，但每一件草藥放入鍍金水後，這盤價值萬元的鍍金水便不能再用，她說：「今次藝術工作是沒有任何資金，全是大家碌友情卡去做。」採訪：馬建華
四處曬棉胎最辛苦是經常被人趕，阿芝更直指扼殺公共空間藝術。
阿芝今次的美術project 碌盡人情卡，不過只為好玩，一班好友都齊齊支持。
自言是「過份老定的樂觀主義者」的卓韻芝即將到紐約讀書，對於能否畢業沒有壓力。陳俊強攝
from
http://appledaily.atnext. ... art_id=12043920
