吳亭欣和陳加玲最近同受一個「情」字所困，所以均外遊避靜。吳亭欣捲入富商馮潮澤和太太顧麗華的感情糾紛，近日她到海南島散心，卻受匿名電話滋擾；加玲則因鬧爆姐夫林國雄，而與胞姊陳秀雯姊妹決裂，加玲揚言歐遊返港後會採取行動。
吳亭欣（LuLu ）與富商馮潮澤傳出緋聞，被馮妻顧麗華的胞姊顧美華力斥為第三者，近日LuLu 低調離港到海南島旅遊散心。LuLu 透露早前接獲匿名電話滋擾，所以更改了電話號碼，為免家人擔心，她聖誕節索性避免到熱鬧的地方狂歡，反而選擇到海南島避靜，希望過一個平靜的節日。
「承受咗好多壓力」
與吳亭欣傳緋聞的富商馮潮澤，早前到醫院探望自殺入院的妻子。
問LuLu 為何被電話騷擾？她昨日在電話中說：「呢件事我唔係好想提，我同一啲警界朋友講過，佢哋勸我以後做任何嘢都要低調啲，多一事不如少一事，所以我都冇乜嘢要回應。仲有幾日就踏入09年，我最希望遠離是非，大家唔好再追問我有關人哋嘅家事，我真係冇嘢再講，件事要隨住08年一齊過去，告一段落。」LuLu 續說：「呢排太多負面新聞，承受咗好多壓力，屋企人好擔心我，況且節日出街又成為狗仔隊嘅目標，所以媽咪叫我離開香港散心，我咪放自己幾日假抖吓咋！」至於同樣外遊避靜的陳加玲，早前力斥姐夫林國雄不事生產，多年來欠債纍纍，陀累家姐陳秀雯代還巨債，不過陳秀雯卻大為不滿發出聲明，令姊妹關係破裂，事件發生後，陳加玲與家姐未有再聯絡，並到歐洲旅行散心，她前晚接受長途電話訪問說：「因為我嘅心情唔係咁好，所以去咗歐洲，下個月頭先返嚟，我到時會做番啲嘢，睇吓點對付佢。」
加玲：家姐好盲目
對於有指林國雄欠下巨債，為避債主臨門而神秘失蹤，陳加玲對此說：「我都有聽聞過佢失咗蹤，不過家姐一定知佢喺邊度，總之佢同家姐都冇事，如果唔係都唔會咁對我。」加玲表示因為未有與家姐聯絡，故不知其心情如何，她說：「家姐企晒喺老公度，好盲目，真係支持佢唔住，佢應該唔會因為個仔先咁做。」採訪：林妃
陳加玲現於歐洲散心，對於姐夫林國雄被傳失蹤，她相信陳秀雯知其行蹤。 資料圖片
吳亭欣自捲入顧美華妹夫馮潮澤的婚姻後，不停接到匿名電話騷擾，令她不勝其煩。 資料圖片
FROM: 頻果日報
