呂晶晶04年以內地佳麗身份參選亞姐奪冠，順利晉身娛樂圈，她是樣靚身材正的人辦，平時並不刻意賣弄性感，當穿上低胸裝，更讓人眼前一亮。
勸內地佳麗收火
對於應屆亞姐爆出造馬風波，以及落選內地佳麗連日大爆選美黑幕，令亞姐形象插水，身為師姐的呂晶晶十分關注，她日前接受訪問說：「我好支持今年選出嘅三甲亞姐，佢哋各方面表現都好平均，至於落選內地佳麗嘅不滿，我諗佢哋因為言語溝通問題，先同大會發生誤會。」呂晶晶維護亞姐大會，她說：「當年我選出來後，都花咗兩年時間先適應呢行，同埋香港嘅節奏，而家諗番好多謝亞視畀機會我踏上呢個選美平台，先有今日嘅成績，我勸落選嘅內地佳麗唔好反應咁激烈，其實參選都令我哋學到好多寶貴經驗。」採訪：比華利 攝影：陳慧安髮型、化妝：Kathy L.（Ciao Bella ）
呂晶晶對今年選出的三甲亞姐大表支持，指她們在各方面均表現出色。
