成績被謝安琪力壓，容祖兒表面扮冇嘢，仲話好想對方嗱獎，真嘅一樣。（《蘋果日報》圖片）
過去多次在商台叱吒頒獎禮做大贏家的容祖兒，今年遇上勁敵謝安琪，成績一落千丈。
商台力撐下，謝安琪的《囍帖街》和《十七度》都有極高播放率，今年叱吒頒獎禮，「至尊歌曲」、「至尊大碟」、「我最喜愛女歌手」及「我最喜愛歌曲」都會成為她的囊中物。
輸成條街，但容祖兒卻有英皇老闆楊受成出手，與俞琤傾掂數，成功截擊謝安琪將她到手的女歌手金獎搶走。執番身彩。
容祖兒跟何韻詩老友鬼鬼，二人見面雞啄唔斷，何韻詩在活動上更單打謝安琪高調講爆肺搏嗱獎。
楊受成出面幫容祖兒向商台爭獎，誓要為公司一姐挽回一點面子。
扮大方
早前，在商台叱吒樂壇頒獎禮記者會上，容祖兒被問到對方謝安琪走勢凌厲，她大方說：「我都好欣賞佢，希望佢嗱獎！」
講一套做一套，容祖兒只是表面大方，眼見謝安琪今年成績力壓自己，早已秘密做嘢。
「英皇同商台關係一向友好，好幾次成為商台頒獎禮大贏家。不過，阿嬌出咗事，Twins 都唔會有獎，只係靠容祖兒一個撐住，偏偏又遇上商台力谷謝安琪上位，今年佢會嗱唔少叱吒大獎，Joey 一旦無大獎嗱，會好無面，所以楊受成出面搵俞琤幫手！」知情者說。
英皇同商台向來關係友好，○三年，俞琤便被拍得拖實容祖兒入K 房唱K 。（《忽然1周》圖片）
爆肺入院留醫個多星期，謝安琪十一月中出院時亦消瘦不少，至今更未有公開演唱。（《蘋果日報》圖片）
去年大肚結婚，今年發力的謝安琪將會成為叱吒大贏家，傳聞亦因為替無線拍《冰天動地》以致爆肺，有機奪「金曲金獎」。
戲劇性變化
據知，楊受成除了致電俞琤幫口傾獎，更拉埋容祖兒與俞琤飯局。之後，更戲劇性地在十一及十二月將形勢扭轉。
「Joey 嘅《跑步機上》播放率唔及謝安琪嘅《囍帖街》，不過，佢有六首上榜歌（謝安琪五首），最新上榜歌《愛怪物的你》，近月商台內部落咗指令，要加強播放，總之，到十二月底，Joey 嘅歌曲總播放率會超前，令佢成為叱吒女歌手金獎得主，謝安琪只會得番銀獎。」
今年叱吒頒獎禮，Eason 和楊千嬅分別得男女歌手銅獎，陪跑！
去年叱吒樂壇頒獎禮，張敬軒個人獨得三個大獎，《酷愛》更成「至尊歌曲」及「我最喜愛歌曲」。
軒仔讓路
雖然女歌手金獎俾容祖兒成功搶走，但謝安琪仍會是今年的叱吒大贏家，多個大獎已是她的囊中物。
「除咗英皇，謝安琪所屬嘅環球唱片，同商台關係其實都好密切，年中，商台DJ 已經收到訊息，要大力催谷謝安琪嘅歌，要佢成為今年叱吒大紅人，就連舊年嘅大贏家，與謝安琪同公司的張敬軒，都要讓路，軒仔繼《櫻花樹下》後，近三個月播放率已經急停，就算佢有新歌《曝光》派上台，都無得上叱吒榜。」知情者說。
截至十二月，謝安琪的《囍帖街》播放率已大大超前所有歌曲，力壓一眾歌手穩奪「至尊歌曲」大獎，更大有機會嗱埋「我最喜愛歌曲」。
堅爆叱吒名單
標榜高透明度的叱吒樂壇頒獎禮，上榜歌曲全以播放率計算，歌手得獎與否，全操縱在商台一班DJ 手中。
新城一直與金牌拉鋸，希望金牌旗下歌手可以出席新城頒獎禮，但最終傾唔掂數。（《忽然1周》圖片）
金牌新城擘面
年尾樂壇派成績表，同屬商營機構的新城，多年來都搶閘在Boxing Day 舉行第一個樂壇頒獎禮，今年頒獎禮更分兩日進行，12月24日先頒發新人獎，12月26日再頒發其他獎項。
不過，「勁爆頒獎禮」獎項達百多個，一直都被質疑公信力不足，今年更是非多多，有指新城打壓古巨基，令他獎項不及陳奕迅，金牌不滿，於是拉隊缺席頒獎禮抗議。據知，今次獎項分贓唔勻導火線是由於金牌唔肯借出旗下歌手古巨基、Theresa、Stephy 、吳雨霏替新城做免費騷拉客，新城於是將金牌獎項大幅削減，最終擘面收場。
