楊思琦、王君馨、陳倩揚及馬賽等一眾港姐，前晚現身洲際酒店的博愛慈善晚宴，當中愛新覺羅後人，即清雍正第九代孫愛新覺羅啟驤更以當代藝術家身份展出其作品展覽。問到早前亞洲小姐賽果滿城風波，作為港姐冠軍的楊思琦說：「都係睇新聞先知，都唔熟悉佢哋部門情況。」
贏輸唔重要
右起：王君馨、楊思琦及高均賢盛裝出席慈善ball 。
至於今屆港姐陳倩揚、馬賽及高海寧都一致認為：「作為電視台，投放咗咁多資源，唔相信會重選，但都祝佢哋好運。」記者問到TVB 會否穩陣一點，三人即賣口乖地說：「公平公正，每間公司有佢工作方式，有信心先參加比賽，自己都學到好多嘢，贏輸都唔重要。」王君馨則表示：「自己都有留意，選美成日都有新聞，不過自己始終覺得選美係一個好好嘅經驗，每件事唔同人都佢嘅睇法，都唔知岩定錯，件事過咗去，人生好多嘢，放開啲向前望。」採訪、攝影：羅慧敏
左起：高海寧、陳倩揚及馬賽十分關注亞洲小姐的造馬風波。
