吳亭欣被指介入富商馮潮澤與太太顧麗華的婚姻，顧麗華胞姊顧美華日前指吳亭欣是第三者，又謂她曾經墮胎。吳亭欣昨日與母親一起出席活動時，寸爆顧美華，吳亭欣否認是第三者之餘更直斥報道戲劇性，可以拍一部電影，還直指顧美華有導演才華。
吳亭欣（LuLu ）昨日到尖沙嘴出席搖搖王宣傳活動，即場學玩搖搖，近日受第三者風波困擾的她心情未受影響，並與母親一同亮相，吳母對女兒背上第三者罪名，她力撐說：「我支持同相信女兒。」
「情節好戲劇性」
顧美華日前指摘吳亭欣是第三者，並指她曾墮胎，查實顧美華當年入行拍《似水流年》時，有傳和導演嚴浩拍拖，令她和嚴浩的兩段婚姻破裂，其實顧美華自己也是第三者。吳亭欣昨日提及顧美華的指控，她說：「情節好戲劇性，中間有好多gag 位，可以拍一部戲票房no.1，報道唔係事實，我同馮先生（馮潮澤）好耐冇聯絡，我唔會做第三者，嚟緊或者會了解吓事件。」她又指不認識顧美華和馮太顧麗華，她說：「我同佢唔同年代，有auntie 同我講佢唔知係咪為復出鋪路，我唔知佢係咪想發揮導演才華，將橋段拍成電影，如果佢搵我拍都死而無憾，我可以收佢金融海嘯價。」吳亭欣認為成年人應為言論負責任，並說：「真係為姊妹好唔係咁，弄假成真就唔好，我嘅EQ 好OK ，反而怕屋企人為我擔心，今次就算，可以原諒佢，如果佢仲有行動，我唔排除法律追究。」
馮潮澤（右）日前和兒子到醫院探望自殺入院的妻子顧麗華。資料圖片
吳亭欣昨日和媽咪（左）一同現身，吳媽以行動支持愛女。
會為愛人生仔
顧美華力斥吳亭欣是第三者，兼曾經墮胎。資料圖片
吳亭欣昨日再強調不會做出墮胎這種蠢事，她說：「我係天主教徒，唔會做呢啲事，每個小朋友都由神帶到世界上，唔好令社會有壞例子，愛一個人唔會為佢墮胎，係會為佢生仔。」問她對馮太自殺有何看法時，吳亭欣一再劃清界線，並說：「唔想理人哋嘅家事，希望佢吉人天相。」對於顧美華暗指吳亭欣出招玩自殺，吳亭欣對此說：「佢已經將所有戲劇性嘅嘢嗱出嚟講。」她又指顧美華不應一時意氣，以她作發洩渠道，她說：「本來想息事寧人，改咗電話號碼都係想避開有關方面嘅人，但而家不如積極面對。」採訪、攝影：卓寶花、比華利
吳亭欣近日備受第三者之名困擾，昨日她出席活動時寸顧美華炒作。
