擁有34C 巨咪的吳亭欣（LuLu ），今年中被爆搭上了上巿集團副主席、顧美華妹夫馮潮澤，馮妻顧麗華大前日疑為情困自殺不遂，昨日再傳出LuLu 曾為馮潮澤墮胎，遭LuLu 堅決否認。
亞視女藝人吳亭欣（LuLu ）早前被爆與泰昇集團控股有限公司副主席兼董事總經理馮潮澤過從甚密，二人被拍吃魚蛋粉撐枱腳，馮潮澤與太太顧美華胞妹顧麗華的婚姻亮紅燈，馮潮澤夫婦大前日在寓所發生爭拗，其後顧麗華激動下在右手手臂打空氣針企圖自殺，LuLu 得悉後希望對方要珍惜生命。
「日日跳肚皮舞」
LuLu 昨日在屯門為亞視節目《會嚇室》首日開工，心情並未受影響，她昨日接受電話訪問時說：「件事要畫上句號啦，我唔想回應，亦都唔想對號入座。我自問EQ 高，唔會唔開心。」有傳聞指身為天主教徒的LuLu 曾為馮潮澤墮胎，她聽到後立即反駁說：「唔知呢啲消息點傳出嚟，咁樣好破壞我嘅聲譽，根本冇呢件事，點可以亂傳。我強調從來冇墮過胎，我成日俾狗仔隊跟，如果去墮胎一定會俾人影到，我呢半年都未向公司請過長假。」問LuLu 跟馮潮澤最密切的關係是怎樣？她說：「最close 都係俾記者之前影到我哋一齊食魚蛋粉咋喎，咁都會大肚都幾搞笑。呢半年我日日去健身院跳肚皮舞，點可能大肚同墮胎？況且我係天主教徒，唔容許做呢啲嘢，我都勸人要珍惜生命，自己更加唔會去墮胎，我希望謠言到此為止。」
吳亭欣昨日毋懼緋聞纏身，仍面帶笑容駕車往開工。
上巿集團副主席馮潮澤被指因搭上吳亭欣令妻子尋短見。資料圖片
拒談顧美華感情
有指顧美華當年也因為戀上嚴浩（小圖）而各自令婚姻破裂。
對於顧美華力斥顧麗華自殺與第三者有關，LuLu 說：「我覺得每個成年人講嘢，都要為自己嘅言論負責任，我冇做人哋第三者，件事會唔會另有其人，搞錯咗。」當年有傳顧美華拍攝電影《似水流年》時與導演嚴浩相戀，令他和自己的兩段婚姻破裂，顧美華也算是別人的第三者，LuLu 對此封嘴避談：「我唔係佢個年代，我唔知喎。」採訪：比華利 攝影：馬建華
身為天主教徒的吳亭欣堅決否認自己曾墮胎。
