周汶錡（Kathy ）前晚現身名車活動，其妹周麗淇（Niki ）剛甩拖，有人建議Kathy 帶Niki 吃蛇羹，她聞言即笑謂最驚蛇，更指姣蛇又腥又有毒，揚言要找漁農署捉蛇，全程句句有骨，狂寸胞妹情敵「姣佘」佘詩曼。
周汶錡、陳見飛及何超瓊等前晚現身西九龍中天地，出席汽車品牌BMW 的晚宴，身穿Gucci 秋冬裝的Kathy 無懼冷風，露出滑溜玉背，最為搶鏡。問她聖誕如何度過，Kathy 說：「今年留港消費，男女朋友都喺香港過。」
有指鄭嘉穎搭上佘詩曼（右）而甩掉周麗淇，難怪周汶錡要寸到盡。 資料圖片
榮雪梅（中）久未與外籍夫婿赴會，而甚少亮相的翁嘉穗有緣相會。
「要call 漁農署」
其妹周麗淇早前跟鄭嘉穎甩拖，問Kathy 會否陪她多一點，以免妹妹過lonely christmas ，她說：「睇吓佢使唔使做嘢。」問她會否買禮物氹妹妹開心，Kathy 表示：「佢冇嘢，乜事都冇。」記者笑言Kathy 應帶Niki 去吃蛇羹，她即笑笑口說：「今年都唔係好凍，唔食，加上蛇羹好腥，自己最怕蛇，係蛇蟲鼠蟻中最驚，跟住就係曱甴。」再問她是否最怕姣蛇，她說：「呢啲要搵專家捉，有毒、擺入布袋，要call 漁農署，漁農署電話幾多號。」Kathy 句句有骨，擺明寸胞妹情敵佘詩曼，為Niki 出一口氣，的確姊妹情深。此外，陳冠希（Edison ）胞姊陳見飛（Tricia ）身穿性感黑色晚裝，帶同男友Felix 同行，她透露將會一家人到洛杉磯與Edison 過聖誕。
陳見飛一身低胸性感打扮，與男友Feilx 赴宴。
何超瓊未有為前夫亨亨與李嘉欣再婚接受訪問。
陳見飛不送電腦
Tricia 說：「要準備禮物畀細佬，聖誕一家人一齊過最開心，Edison 同Vincy 好好，好sweet 。」早前有指Edison 希望過年後回港，她說：「應該唔會，佢自己都好多嘢忙，不過佢好掛住香港隻狗仔。」問她會否不敢送相機、電腦之類的物品給Edison 作禮物，她說：「唔會送呢啲嘢，不嬲都鍾意送啲可以收藏嘅嘢畀佢。」採訪：梁錦雯攝影：陳順幀
周汶錡身穿Gucci 低胸高衩長裙，晒身材之餘，說話也還甚精警。
